MATHAYO 26:58 - Biblia Ilagho Jiboie Kwa Wandu Wose

⁵⁸ Ela Petro orekoghe ukimnugha kwa kula hata wazenyi kwa Mkohani M'baa, ukangia andenyi chiaimweri na walindiri upate kuwona kutua kwake ni wada.

MATHAYO 26:58 Σταυροειδείς Αναφορές

MATHAYO 26:3

Ngelo iyo, wakohani wabaa na waghosi wa wandu wikakwana chiaimweri barazenyi kwa Mkohani M'baa Kayafa.

MATHAYO 5:25

Patana na mshitaki wako ngelo mkighenda kotinyi. Isechekaia ukughenje kwa mtanyi, na mtanyi ukufunye mikonunyi kwa asikari, na aho kungiro kifungonyi.

LUKA 22:54

Nao wikammbwada Jesu, na kumghenja nyumbenyi kwa Mkohani M'baa; Petro ukanugha nyuma kwa kula.

JOHANE 18:25

Petro orekoghe kimusi ajaeni ukioda modo. Wandu wamu wikamkotia, “Welee, oho ndekuko umu wa wanughi wake anguwada?” Nao ukakana ukighamba, “Si ini ungi.”

JOHANE 19:6

Nao iji wakohani wabaa na walindiri wammbona Jesu wikaghamba kwa chwaka mbaa, “Msulubishe! Msulubishe!” Pilato ukawizera, “Mmbwadenyi mumsulubishe mmbeni angu ini siwonie ikosa jingi kwake anduangi.”

JOHANE 7:32

Nao Mafarisayo wikasikira wandu wikihohoriana agho malagho gha Jesu, nawo chiaimweri na Wakohani wabaa wikaduma walindiri wimmbwade Jesu.

JOHANE 7:45

Nao waja walindiri wikawuya kwa wakohani wabaa na Mafarisayo. Nawo wikawikotia, “Welee, kwaki msemredie?”

MABONYO GHA WADUMI 5:22

Ela iji wabaa wa jela wavika wikawisowa, wikawuya na kughora,

MABONYO GHA WADUMI 5:26

Nao uja m'baa wa walindiri andwamweri na watini wake, wikaghenda na kuwireda wadumi; ela si kwa ndighi, angu wereobueghe kulaswa na magho ni wandu.