MATHAYO 26:24 - Biblia Ilagho Jiboie Kwa Wandu Wose

²⁴ Mwana wa Mdamu uaghenda sa iji koni Maandiko ghiandikilo aighu yake, ela ni bugha kwake uja mundu umfunyagha Mwana wa Mdamu; erekaiagha nicha ngera uo mundu nderevaloghe jingi.”

MATHAYO 26:24 Σταυροειδείς Αναφορές

KUZOYA 3:15

Nichawika wumaiza aghadi yako na uo muka, na aghadi ya kivalwa chako na kivalwa chake. Uo uchachibara chongo chako, na oho kuchamluma ghimbe yake.”

ZABURI 55:15

Wamaiza wapo ndewifo imbiri ya ngelo yawo, wisee Andu kwa Wafu wimoo; wuwiwi ghoko mizinyi kwawo na ngolonyi kwawo.

ZABURI 55:23

Ela oho ee Mlungu, kuchawikumba wabwaghi na wandu wa mikalo kaburinyi; ndewichaadua moyo hata nusu ya irangi jawo. Ela ini nichakurumiria oho.

DANIELI 9:26

Nyuma ya iyo miaka mirongo irandadu na iwi mandu mfungade, uja mshingwa mavuda uchabwaghwa duu; wandu wa m'baa wa ughu muzi na Hekalu yaro.

ZEKARIA 12:10

“Nichawichura wandu wa nyumba ya Daudi na awo wikaiagha Jerusalemu roho ya wughoma na kulomba. Wichamzighana mundu were'bwahieghe kwa kumdunga na ndagha nawo wichamlilia mwana wa ititi; wichalila na ndighi seji mundu uliliagha mwana wake wa imbiri.

ZEKARIA 13:7

BWANA Uwadie-Ndighi-Rose waghamba, “Wuka ee lufu kulo na mlisha uo unidumikiagha; bwagha mlisha, na ng'ondi richasaghisika. Ini nichalwa na wandu wapo;

MATHAYO 18:7

Ni bugha kwa wurumwengu kwa wundu ghwa matimo ghishekeriagha kubonya kaung'a. Ni suti makuwisho ghiche, ela ni bugha kwake uo mundu ushekeriagha matimo ghiche!

MATHAYO 26:31

Nao Jesu ukawizera, “Kio ichi cheni inyo mmbose mchakimbia munisighe niekeri, angu yaandikilo; ‘Nichamkaba mlisha, na ng'ondi richasaghisika.’

MATHAYO 26:54

Ela ikakaia huwo Maandiko ghikatishwa wada agho ghighorie angu suti maza iri rikaie?”

MATHAYO 26:56

Ela agha ghakaia eri Maandiko gha walodi ghikatie.” Niko wanughi wose wikamsigha wikakimbia.

MARKO 14:21

Angu Mwana wa Mdamu uaghenda sa iji koni iandikilo aighu yake; ela ni bugha kwake uja mundu umfunyagha Mwana wa mdamu! Ni nicha kumangu userevaloghe uja mundu anduangi.”

MARKO 9:12

Nao ukawitumbulia, “Ni loli Elija ucha kandena kuwika maza rose nicha; na kwaki sena Maandiko ghaghamba wei Mwana wa Mdamu uchatirirwa maza nyingi na kumenywa?

LUKA 22:22

Mwana wa Mdamu uaendabwaghwa sa iji koni orepangiloghe, ela ni bugha kwa uo mundu umfunyagha.”

LUKA 24:46

Ukawizera, “Huwo niko iandikilo kukaia yamfwana Kristo utiriro, na ituku ja kadadu uruke kufuma kwa wafu.

JOHANE 17:12

Iji nerekwanyeghe nawo, nerewiwikieghe banana kwa ijo irina jako koreninekieghe. Nawilindirie, hata ungi nderelagharieghe, ela uo mwana wa kutota; eri maandiko ghikatisho.

JOHANE 19:24

Masikari wikazerana weni na weni, “Disakeirashua, ela dikabe kura ikaia yani.” Agha gherekaieghe eri maandiko ghikatie ghighambagha, “Werewaghanyireghe nguwo rapo, na kanju yapo wikaikabia kura.” Huwo niko awo masikari werebonyereghe.

JOHANE 19:28

Nyuma ya agha, Jesu ukimanya angu maza rose ramerelwa eri maandiko ghikatisho ukaghamba, “Naoma.”

MABONYO GHA WADUMI 2:23

Uo Jesu, orefunyiroghe konyu kwa mpango tiki ghoremanyikieghe kwa Mlungu; nenyo mkamsulubisha na kum'bwagha kwa mikonu ya wandu wawiwi.

MABONYO GHA WADUMI 28:23

Hata iji wadumbua ituku jekwana nao, wikacha wandu walazi nyumbenyi kwake. Paulo ukawighoria agho malagho kufuma nakesho hata luma lwa kenyi; ukiwishuhudia malagho gha Wuzuri ghwa Mlungu, na kutima kuwibonya wirumirie malagho gha Jesu kwa kutumia Sharia ya Musa na maandiko gha walodi.

MABONYO GHA WADUMI 4:28

Nawo werebonyereghe ghose korekundieghe ghikatisho kwa mpango ghwako.

1 WAKORINTHO 15:3

Angu neremredieghe ilagho ijeni ibaa ijo nerejiwusireghe; kukaia, Kristo orefueghe kwa wundu ghwa kaung'a redu karakara na Maandiko,