MATHAYO 19:22 - Biblia Ilagho Jiboie Kwa Wandu Wose

²² Uja mdawana uendasikira agho, ukaghenda na wasi, angu orekoghe na mali nyingi.

MATHAYO 19:22 Σταυροειδείς Αναφορές

ZABURI 17:14

Kunikire na wandu wawiwi ee Bwana, awo wiko na kula kilambo wichikunde; kuwineke makabo ghikate, agho kughiwikie kwa wundu ghwawo; ghidimagha kuwikata wana wawo, hata na weke wawae.

EZEKIELI 33:31

Nawo wadaacha kwako sa ngelo rose, na kusea kidombo imbiri kwako sa wandu wapo, na kusikira agho kughoragha, ela ndewibonyagha sa iji wazerwa; kwa kukaia wawonyera lukundo kwa memu yawo, ela ngolo rawo rianugha fwaida rawo.

MATHAYO 13:22

Na ija mbeu ipotokie midinyi ya minjwa, ni sa mundu ujisikiragha ijo ilagho, ela masumbuko gha irangi iji na bea ra mali rajibwagha ijo ilagho, najo ndejivagha matunda ghangi anduangi.

MATHAYO 14:9

Nao mzuri ukawawa ni ngolo, ela kwa wundu ghwa ijo ighemi jake, na kwa wundu ghwa waja werekoghe kidombo mezenyi, ukafunya momu uneko.

MATHAYO 16:26

ela uo ujilaghashagha irangi jake kwa wundu ghwapo uchajipata sena. Ichamfwana mundu kii ukaghupata wurumwengu ghose na kujilaghasha irangi jake? Angu uchafunya kii kuindana na irangi jake?

MATHAYO 19:21

Jesu ukamzera, “Iji kukunde kukaie kukatie putu, kughende kuuze mali rako rose, kuwineke wakiwa, na oho kuchakaia na mali mlungunyi, sena kuche kuninughe.”

MATHAYO 19:23

Niko Jesu ukawizera wanughi wake, “Namghoria loli, kuchakua nandighi kwa mundu uko na mali kungia kwa wuzuri ghwa mlungunyi.

MATHAYO 6:24

“Mndungi ndedimagha kuwidumikia weke Bwana wawi; kwa kukaia uchazamilwa ni uhu, na kumkunda uja; angu uchakufunya kwa umu, na kummenya uja mzima. Nenyo ndemdimagha kumdumikia Mlungu na mali anduangi.

MARKO 10:22

Ela ukaghusha makunya kwa wundu ghwa ilagho jija, ukaghenda na wasi, angu orekoghe na mali nyingi.

MARKO 6:26

Mzuri ukawawa ni ngolo loli-loli, ela kwa wundu ghwa jija ighemi jake, na kwa wundu ghwa waja waghenyi wake, ukalemwa ni kumuima.

LUKA 18:23

Nao iji wasikira agho, ukakaia na wasi angu orekoghe na mali nyingi.

JOHANE 16:20

Namghoria loli, inyo mchalila na kudikwa ni mbori, ela wurumwengu ghuchaboilwa, mchakaia na wasi, ela wasi ghonyu ghuchaghaluswa kukaia kuboilwa.

WAEFESO 5:5

Manyenyi kwa loli, ndekuwadie mlaki ungi, angu mundu useelie, angu mundu wa iriso (nao nuo mtasi milimu), uko na ifwa jingi andenyi ya wuzuri ghwa Kristo na ghwa Mlungu anduangi.

WAKOLOSAI 3:5

Kwa huwu ribwaghenyi iro bea ra wurumwengu riko andenyi konyu; kulaka, kushughunuka, mirudo ya bea, bea rizamie, na iriso, najo ni kutasa milimu;