MATHAYO 17:12 - Biblia Ilagho Jiboie Kwa Wandu Wose

¹² Ela namghoria angu Elija wamerie kucha, na wandu ndeweremmanyireghe anduangi, wikam'bonya sa iji koni werekundieghe. Ni huwo koni wichamtirira Mwana wa Mdamu.”

MATHAYO 17:12 Σταυροειδείς Αναφορές

MATHAYO 11:2

Johane uko kifungonyi, uendasikira malagho gha mabonyo gha Jesu, ukawiduma wamu wa wanughi wake kwa Jesu wimkotie,

MATHAYO 16:21

Kufuma ngelo iyo, Jesu ukazoya kuwighoria wanughi wake worinyi, “Ni suti ini nighende Jerusalemu, na aho nichatirirwa maza nyingi ni waghosi, wakohani wabaa, na walimu wa Sharia. Nichabwaghwa, ela ituku ja kadadu nicharukishwa.”

MATHAYO 17:11

Jesu ukawitumbulia, “Loli Elija uacha, nao uchawika maza rose nicha.

MATHAYO 17:13

Niko aho wanughi wikatambua angu orekoghe ukiwighoria malagho gha Johane M'baputizi.

MATHAYO 17:22

Hata iji werekwaneghe chiaimweri aja Galilaya, Jesu ukawizera, “Mwana wa Mdamu uchafunywa kwa wandu.

MATHAYO 17:9

Nao iji werekoghe wikisea kufuma mghondinyi, Jesu ukawilaghira, “Msakemghoria mndungi maza ra mawono agha hata Mwana wa Mdamu wameria kuruka kufuma kwa wafu.”

MATHAYO 21:32

Angu Johane orechieghe ukimmbonyera chia ya hachi enugha, nenyo ndemoremrumirieghe anduangi, ela wawadi wushuru na malaya weremrumirieghe. Hata mduawona huwo saki, ndemoreherieghe na kumrumiria anduangi.”

MATHAYO 8:20

Jesu ukamzera, “Mizozo eko na miruma, na nyonyi ra mbeonyi reko na vijngu; ela Mwana wa mdamu ndewadie wulalo ghungi ghokuhoresha anduangi.”

LUKA 7:33

Angu Johane orechieghe usejagha usenywagha anduangi, nenyo mwaghamba, ‘Oko na pepo.’

JOHANE 1:11

Orechieghe kwa isanga jake, ela wandu wake weni ndeweremmbusireghe anduangi.

MABONYO GHA WADUMI 2:23

Uo Jesu, orefunyiroghe konyu kwa mpango tiki ghoremanyikieghe kwa Mlungu; nenyo mkamsulubisha na kum'bwagha kwa mikonu ya wandu wawiwi.

MABONYO GHA WADUMI 4:10

ndejimanyike konyu na kwa Waisraeli wose kukaia, kwa irina ja Jesu Kristo wa Nazareti, uo moremsulubishireghe, nao moni Mlungu ukamrukisha kufuma kwa wafu, kwa uo, mundu uhu oko kimusi imbiri konyu uboisiro putu.

MABONYO GHA WADUMI 7:52

Ni mlodi uao weke ndeyo wiseremtiririeghe? Sena wikawibwagha awo werezoeghe kueresha malagho gha kucha kwake Uja Mhachi uo moremfunyireghe na kum'bwagha.