MATHAYO 16:21 - Biblia Ilagho Jiboie Kwa Wandu Wose

²¹ Kufuma ngelo iyo, Jesu ukazoya kuwighoria wanughi wake worinyi, “Ni suti ini nighende Jerusalemu, na aho nichatirirwa maza nyingi ni waghosi, wakohani wabaa, na walimu wa Sharia. Nichabwaghwa, ela ituku ja kadadu nicharukishwa.”

MATHAYO 16:21 Σταυροειδείς Αναφορές

NEHEMIA 12:7

Salu, Amoku, Hilkia, na Jedaia. Awa werekoghe wakohani wabaa, na wabaa wa waruna ngelo ya Mkohani M'baa Jeshua.

MATHAYO 12:40

Angu sa iji koni Jona orekaieghe matuku adadu na vio varo andenyi ya kifu cha mngumi, niko koni na Mwana wa Mdamu uchaakaia andenyi ndoenyi matuku adadu.

MATHAYO 16:22

Nao Petro ukamruda kambai ukazoya kumkemia, “Mlungu ndetangale agho putu Bwana, jingi ndeghichaakupata.”

MATHAYO 16:28

Namghoria loli, weko wandu aha wisechaafwa anduangi hata wameria kummbona Mwana wa Mdamu ukicha kwa Wuzuri ghwake.”

MATHAYO 17:12

Ela namghoria angu Elija wamerie kucha, na wandu ndeweremmanyireghe anduangi, wikam'bonya sa iji koni werekundieghe. Ni huwo koni wichamtirira Mwana wa Mdamu.”

MATHAYO 17:9

Nao iji werekoghe wikisea kufuma mghondinyi, Jesu ukawilaghira, “Msakemghoria mndungi maza ra mawono agha hata Mwana wa Mdamu wameria kuruka kufuma kwa wafu.”

MATHAYO 20:28

Angu Mwana wa Mdamu wori nderechieghe kudumikilwa anduangi, ela kudumika, na kufunya irangi jake jikaie wukomboli kwa wengi.”

MATHAYO 26:2

“Mwamanya angu nyuma ya matuku awi kuchakaia na Ndima ya Pasaka, na Mwana wa Mdamu uchafunywa usulubisho.”

MATHAYO 26:47

Hata iji orekoghe ukighora, Juda umu wa waja ikumi na wawi ukabusa, ukwanye na izungu ibaa ja wandu widwae chufu na rungu, wafuma kwa wakohani wabaa na waghosi wa wandu.

MATHAYO 27:12

Ela iji orekoghe ukishitakilwa ni wakohani wabaa na waghosi, uo nderetumbulieghe ilagho jingi anduangi.

MATHAYO 27:63

wikamzera, “Bwana, isi dakumbuka angu iji uja mkalii orekoghe moyo oreghambieghe, ‘Nicharukishwa nyuma ya matuku adadu.’

MATHAYO 28:6

Ndeuko aha kungi, ela wameria kuruka sa iji koni oreghorieghe. Choonyi mmbone andu Bwana orelalieghe.

MARKO 8:31

Jesu ukazoya kuwifundisha wanughi wake: “Mwana wa Mdamu suti utiriro maza nyingi, na kuleghwa ni waghosi na wakohani wabaa, na walimu wa Sharia, sena ubwagho, na nyuma ya matuku adadu ucharuka.”

MARKO 9:12

Nao ukawitumbulia, “Ni loli Elija ucha kandena kuwika maza rose nicha; na kwaki sena Maandiko ghaghamba wei Mwana wa Mdamu uchatirirwa maza nyingi na kumenywa?

LUKA 17:25

Ela imbiri suti utiriro maza nyingi, na kuleghwa ni kivalwa ichi.

LUKA 24:46

Ukawizera, “Huwo niko iandikilo kukaia yamfwana Kristo utiriro, na ituku ja kadadu uruke kufuma kwa wafu.

LUKA 9:31

werewonekieghe na wubaa wikidedanya malagho gha kufwa kwake uchaaghikatisha Jerusalemu.