MATHAYO 13:23 - Biblia Ilagho Jiboie Kwa Wandu Wose

²³ Na ija mbeu iwalo ndoe iwurue, ni sa mundu usikiragha ijo ilagho, najo jamtambukia, nao wadava matunda kwa ighana, na kwa mirongo irandadu, na kwa mirongo idadu.”

MATHAYO 13:23 Σταυροειδείς Αναφορές

EZEKIELI 18:31

Sighenyi makosa ghenyu ghose m'bonyere aighu yapo, mmbuse ngolo mbishi na roho mbishi. Kwaki mfwagha ee wandu wa Israeli?

EZEKIELI 36:26

Nichamneka ngolo mbishi, na roho mbishi nichaingira andenyi konyu; nani nichafunya ngolo ikurie sa igho kufuma konyu, na kumneka ngolo inyafue.

MATHAYO 12:33

“Mudi ghukakaia ghuboie na matunda ghake ghichakaia ghiboie, ela ghukakaia ghuzamie na matunda ghake ghichakaia ghizamie wokoni. Angu mudi ghwadamanyika kwa matunda gharo.

MATHAYO 13:8

Ela rimu rikapotoka ndoe iwurue, rikabuka na kuva; imu ighana, na imu mirongo irandadu, na imu mirongo idadu.

MATHAYO 3:10

Hata idana isoka jawikwa tayari kudema miri ya midi; kwa huwu kula mudi ghusevagha matunda ghiboie, ghuchademwa na kukumbwa modonyi.

MATHAYO 3:8

Idana wonyerenyi kwa mabonyo ghenyu seji mwahea.

MARKO 10:15

Namghoria loli, uo ose useghurumiriagha Wuzuri ghwa Mlungu sa mwanake mtini, na jingi ndechaangia andenyi kwaro anduangi.”

MARKO 4:20

Ela wamu ni sa rija mbeu rerewaloghe ndoe iwurue. Awo wajisikira jija ilagho na kujirumiria; nawo wava umu mirongo idadu, na umu mirongo irandadu, na umu ighana.”

LUKA 13:9

Ghukava matunda mwaka ghuchagha ni nicha, ela ghukalemwa ni kuva, niko aho kughudeme.’”

LUKA 8:15

Na iri ripotokie ndoe iwurue, ni sa wandu wijisikiragha ilagho na kujiwadia kwa ngolo ndicha esikira, nawo wadava matunda kwa kurumaghia.

LUKA 8:8

Na rimu rikapotokia ndoe iwurue, rikazoghua na kuva ighana ighana.” Nao Jesu ukameria ukighamba, “Uo uko na madu ghesikira ndesikire.”

JOHANE 15:16

Inyo ndemorenisaghueghe ini anduangi, ela ni ini neremsaghueghe inyo, na kumduma mwende muve matunda, matunda ghiduagha; eri icho chose mchaalomba kwa Aba kwa irina japo umneke.

JOHANE 8:47

Uo uko wa Mlungu wadasikira malagho gha Mlungu. Ela inyo ndemko wa Mlungu, niko msesikiragha.”

MABONYO GHA WADUMI 16:14

Umu wa awo weredisikireghe orekoghe muka uwangwagha Lidia, ufumie muzi ghwa Thuatira, uuzagha vilambo va rangi ya zambarau. Muka uo orekoghe mtasi Mlungu, na Bwana ukarughua ngolo yake ughisikire malagho gherekoghe ghikighorwa ni Paulo.

MABONYO GHA WADUMI 17:11

Wandu awo werekoghe na suku kuchumba waja wa Thesalonike; wikajiwusa ilagho kwa ngolo mbaa, wikizighana-zighana Maandiko Ghielie kula ituku, wiwone ngera maza iro rerekoghe rikighorwa ni Paulo na Sila ni huwo koni.

2 WAKORINTHO 9:10

Na Mlungu uo ufunyagha mbeu rewa kwa mlimi, na vindo veja, uchamneka na kurichuria mbeu renyu, mpate kukuwida kwa wungi kufumanya na hachi yenyu.

WAFILIPI 1:11

muko mchulo ni matunda gha hachi agho ghifumanyagha na Jesu Kristo, kwa wubaa na kukasa kwa Mlungu.

WAFILIPI 4:17

Si angu wei naawuyalola agho manosi, ela naawuyalola itunda jichuriagha mtalo ghonyu.

WAKOLOSAI 1:10

Mkaie na irangi jimfwanagha Bwana, jim'boiagha putu, mkibonya kazi ndicha kwa kula chia, na kuchurikia kwa kummanya Mlungu.

WAKOLOSAI 1:6

jerechieghe konyu, sa iji koni loli jawuyaera wurumwengunyi kose jikiva matunda na kuzoghua. Huwo koni, na aghadi konyu, kufuma morejisikireghe na kutambukilwa ni ugho mvono ghwa Mlungu andenyi ya loli,

1 WATHESALONIKE 4:1

Kutua wanidu, damvoya na kumshashira inyo andenyi ya Bwana Jesu, kukaia, sa iji koni morekufundishireghe kodu seji imfwane kughenda, na kum'boia Mlungu seji koni mwawuyabonya, mchurie kubonya woruwo koni.

2 WATHESALONIKE 2:10

na mikalo yose izamie kwa wundu ghwa wandu witotagha, kwa kukaia wereleghieghe kuikunda ija loli eri wipate kukia.

WAEBRANIA 4:2

Angu Ilagho Jiboie jereredeloghe kodu, sa iji koni jereghenjeroghe kwawo; ela agho malagho wereghisikireghe wikaghisowia fwaida, kwa kukaia ndewereghiwusireghe kwa irumirio anduangi.

WAEBRANIA 6:7

Ija ndoe inywagha machi gha vua inyagha aighu yaro shwa kwa shwa, na kuva mavalo ghiwifwanagha awo wandu wereilimieghe, yadarasimilwa ni Mlungu.

WAEBRANIA 8:10

Iji nijo ilaghano nichaajibonya na nyumba ya Israeli nyuma ya matuku agho, waghamba Bwana; Nichangira sharia rapo akilinyi kwawo, na kuriandika ngolonyi kwawo, nani nichakaia Mlungu wawo, nawo wichakaia wandu wapo.

2 PETRO 3:18

Ela mzoghuo andenyi ya mvono, na uko kummanya Bwana na Mkiri odu Jesu Kristo. Kwake uo, ndeghukaie ghuja wubaa, kufuma idana, hata kwa kala na kala. Amen.

1 JOHANE 5:20

Nesi damanya angu Mwana wa Mlungu wamerie kucha, na kudineka kutambukilwa, dipate kummanya Mlungu wa loli; nesi deko andenyi kwake uo Mlungu wa loli, andenyi ya Mwana wake Jesu Kristo. Uhu nuo Mlungu wa loli, na irangi ja kala na kala.