MATHAYO 12:43 - Biblia Ilagho Jiboie Kwa Wandu Wose

⁴³ “Ija pepo ya makakala iji yamfuma mundu, yadasela-sela andu kuomie ikilola andu kohora, nayo yadasowa.

MATHAYO 12:43 Σταυροειδείς Αναφορές

AYUBU 1:7

BWANA ukamkotia Shetani, “Welee oho kwafuma hao?” Shetani ukamtumbulia BWANA, “Naafuma kumara-mara na kusela iichia na iichia ndoenyi.”

AYUBU 2:2

Na BWANA ukamkotia Shetani, “Welee, oho kwafuma hao?” Shetani ukamtumbulia BWANA, “Nedeeka ngimara-mara na kusela iichia na iichia ndoenyi.”

ZABURI 63:1

Ee Mlungu, oho ko Mlungu wapo, nani nakaia na bea na oho. Nakaia na kau mbaa na oho, karakara na isanga jiomie jisewadie machi.

ISAYA 41:18

Nichaibonya meda ya machi idike-dike aighu ya mighondi iomie, na ndoria ra machi ribuke vololonyi; nichabonya kireti chibuke viriwa va machi, na andu kuomie kuchabuka machi.

MATHAYO 12:44

Niko yadaghora, ‘Nichaghuwuria wulalo ghwapo andu nerefumieghe.’ Hata iji yawuya na kukua ugho wulalo ghuko mduu, ghufwagirilo na kuwikwa nicha,

MATHAYO 8:29

Wikazoya kukema wikighamba, “Koko na ilaghoki nesi oho Mwana wa Mlungu? Wele kwaacha kuditirira ngelo edu isevikie?”

MABONYO GHA WADUMI 8:13

Hata Simoni wori ukarumiria, nao umeria kubaputizwa ukaduanya na Filipo. Nao ukiwona weke mwakilimbiti wabaa na alama rerebonyeroghe, ukashinika.

1 PETRO 5:8

Kaienyi na akili mchereshe. M'maiza onyu, uo Ibilisi, waawuyamara-mara sa shimba irurumagha ikimlola mndungi ipate kumja.