MATHAYO 12:41 - Biblia Ilagho Jiboie Kwa Wandu Wose

⁴¹ Wandu wa Nineve wichawuka aighu ya kivalwa ichi kutanyonyi, nawo wichachitanya kivalwa ichi kukaia chakosere, angu Wanineve wereherieghe kwa wundu ghwa machilo gha Jona; na aha jeko ilagho ibaa kuchumba Jona.

MATHAYO 12:41 Σταυροειδείς Αναφορές

ISAYA 54:17

Ndekuwawdie iswagha jingi jiboisiro jelwa na oho jichaasima, na kula mundu uchaakaianya kimusi na oho kutanyonyi kuchamsima. Iji nijo ifwa ja wadumiki wa BWANA, na wudederii ghwawo ghuafuma kwapo.”

JEREMIA 3:11

BWANA ukanizera kukaia, hata ngera Israeli oremsighieghe, wacheewoneka kukaia baa kuchumba Juda useko mloli.

JONA 1:2

“Wuka kughughendie ghuja muzi m'baa ghwa Nineve, kughuchilie; angu nawona seji wandu waro wakaia wawiwi.”

JONA 3:4

Jona ukazoya kungia mzinyi, ukabonya mwendo ghwa ituku jimweri. Ukachila ukighamba, “Ghaasighwa matuku mirongo ina, nao muzi ghwa Nineve ghuatoteshwa.”

MATHAYO 12:39

Nao ukawitumbulia, “Kivalwa cha wuwiwi na kulaka chialola mwakilimbiti, ela ndechichaanekwa mwakilimbiti kuchumba uo wa mlodi Jona.

MATHAYO 12:42

“Malkia wa kusinyi uchawuka andwamweri na kivalwa ichi kutanyonyi, nao uchachitanya kukaia chakosere. Angu uo orechieghe kufuma kula, kusikira malagho gha hikima ya Solomoni. Na aha jeko ilagho ibaa kuchumba Solomoni.

MATHAYO 12:45

niko yadaghenda na kureda pepo zima mfungade rizamie kuchumba iyo cheni, naro rose radacha na kumngia uja mundu na kukaia aho. Kutua kwake mundu uo, wadazama kuchumba imbiri. Huwo niko ichaakaia kwa kivalwa ichi cha wuwiwi.”

MATHAYO 12:6

Nani namzera, aha koko kilambo kibaa kuchumba Hekalu.

MATHAYO 16:4

Kivalwa cha wuwiwi na kulaka chialola mwakilimbiti, nacho ndechichaanekwa mwakilimbiti ungi, ela uja moni wa Jona.” Nao ukawisigha ukaghenda chia yake.

MATHAYO 17:17

Jesu ukatumbulia, “Inyo kivalwa chisewadie irumirio, chilagharie; nichakaianya nenyo hata lii? Nicharumaghianya nenyo hata lii? Mredenyi uo mwana kwapo.”

MATHAYO 23:36

Namghoria loli, kivalwa ichi chichakabwa kwa wundu ghwa maza iro rose.

LUKA 11:32

Ituku ja Kutanywa wandu wa Nineve wichashuhudia kukaia wandu wa kivalwa ichi wakosere, angu awo wereghalukieghe na kuhea shwa-shwa nyuma ya kusikira machilo gha Jona, na aha oko umu m'baa kumchumba Jona.

JOHANE 3:31

Uo uchagha kufuma aighu ni m'baa kuchumba wose, uo ufumagha ndoenyi ni wa ndoenyi, nao wadadeda ra ndoenyi; ela uo ufumagha mlungunyi oko aighu ya wose.

JOHANE 4:12

Kwani oho koko m'baa kumchumba aba odu Jakobo? Uo oredinekieghe ichi kisima, nao moni orenyueghe machi gha kisima ichi andwamweri na wana wake, na mfugho rake wori?”

WAROMA 2:27

Kwa huwo, awo wiseshamishiro kimumbi, nawo waimazira Sharia, wichamtanya inyo mshamishiro muko na malaghiro gha Sharia ghiandikilo, kwa kuinona Sharia.

WAEBRANIA 11:7

Kwa irumirio, Nuhu uendawonyerwa ni Mlungu ndengwa ya maza richagha, risewonekie kande, ukasikira; nao ukaagha safina ewikira wandu wa nyumba yake. Kwa chia ihi, ukaghutanya wurumwengu, nao ukawuya mundu wa ifwa ja hachi ipatikagha kwa irumirio.