MAKATANISHO 5:4 - Biblia Ilagho Jiboie Kwa Wandu Wose

⁴ ela kutua kwaro kwabirie nandighi sa nyongo; kwakalie sa lufu lukalie chia rose.

MAKATANISHO 5:4 Σταυροειδείς Αναφορές

ZABURI 55:21

Madedo ghake gherekoghe ghidendere kuchumba turashu, ela sena wuda ghorekoghe ngolonyi kwake. Malagho ghake gherekoghe ghihorie kuchumba mavuda, ela sena ghadadema sa chufu.

ZABURI 57:4

Naawuyakaia aghadi ya wamaiza wiko sa shimba rijagha wandu; maghegho ghawo gheeka sa mafumu na mawanu, na chumi rawo reeka sa chufu rikalie.

MAKATANISHO 9:18

Ela wandu waro ndewimanyagha kukaia wikangia nyumbenyi kwake wiafwa; waghenyi wake wingirie aho, weeka konndonyi Andu kwa Wafu.

MCHILI 7:26

Nawonie ilagho jimu jibirie kuchumba kifwa, najo ni muka. Lukundo ukubonyeragha luchakuwada sa mdegho angu nyavu. Ukakuwadia, mikonu yake eeka sa mnyororo angu nyavu. Mundu umkunde Mlungu uchamuinjikia, ela mkaung'a uchawadwa.

WAEBRANIA 4:12

Angu ilagho ja Mlungu jeko moyo, sena jawadie ndighi, sena jakalie kuchumba lufu lukalie chia rose; najo jadunga na kuvikia irangi na roho, hata kuvikia mawungo na wusuchi; jikitambua maghesho na maririkanyo gha ngolo.