LUKA 8:6 - Biblia Ilagho Jiboie Kwa Wandu Wose

⁶ Zima rikapotokia maghonyi kusewadie ndoe nyingi, hata iji rabuka, kwa kukaia ndekorekoghe na kimeru chingi rikaoma.

LUKA 8:6 Σταυροειδείς Αναφορές

JEREMIA 5:3

Ee BWANA, meso ghako ndeghizighanagha iyo loli anguwada? Oho kwawikabie, ela ndewisikire luwawo lungi, kwawionyere, ela waleghie kukuboisa weni. Wakurishire nia rawo kuchumba igho, nawo waleghie kuhea.

EZEKIELI 11:19

Nani nichawibonya wikaie na nia imweri, na kungira roho mbishi andenyi kwawo. Nichainja ija ngolo ikurie sa igho ifume andenyi kwawo, nani nichawineka ngolo esikira,

EZEKIELI 36:26

Nichamneka ngolo mbishi, na roho mbishi nichaingira andenyi konyu; nani nichafunya ngolo ikurie sa igho kufuma konyu, na kumneka ngolo inyafue.

AMOSI 6:12

Welee, farasi rakimbiagha aighu lwalenyi? Welee, mndungi walimagha na ighembe ja ng'ombe a baharinyi? Ela inyo mwaighalusire hachi iwuye sumu, na itunda ja hachi jiwuye sa kilambo chiwawie.

LUKA 8:13

Iri rerepotokieghe maghonyi, ni sa wandu wijisikiragha ilagho na kujiwusa kwa kuboilwa, ela kwa kukaia wisewadie miri ingi, ngelo ya matimo wadawuya nyuma.

LUKA 8:5

“Muwi mbeu orefumieghe kwenda kuwa mbeu, hata iji orekoghe ukiwa, rimu rikapotokia chienyi rikawadilwa ni wandu na nyonyi rikarija.

LUKA 8:7

Zima rikapotokia minjonyi, nayo ikizoghuanya chiaimweri naro, iyo minjwa ikaribwagha.

WAEBRANIA 3:15

“Idime ngera mwalusikira lwaka lwake, msakekurisha ngolo renyu kwa kumlegha Mlungu seji weke ndeyo werebonyereghe.”