LUKA 24:4 - Biblia Ilagho Jiboie Kwa Wandu Wose

⁴ Hata iji werekaieghe kimusi wikishinikia ilagho ijo, wikafutukilwa ni wandu wawi, wiko na nguwo ring'ala-ng'ala, wikakaia kimusi kaavui nawo.

LUKA 24:4 Σταυροειδείς Αναφορές

KUZOYA 18:2

Abrahamu ukawusira meso ghake ukazighana, ukawona wandu wadadu wiko kimusi imbiri kwake. Hata iji wawiwona ukafuma hemenyi kwake na iseghe ukawimara, ukawighoghomia hata andoenyi ukaghamba,

MARKO 16:5

Wikangia kaburinyi, wikawona mdawana umu uko kidombo chia ya mkonu ghwa kiwomi, urwae nguwo ya chokwa; wikashinika na ndighi.

LUKA 2:9

Nao malaika wa Bwana ukawifutukia, na wubaa ghwa Bwana ghukang'ala-ng'ala chia rose kwawo, nawo wikaobua nandighi.

LUKA 24:5

Nao iji werekoghe wikiobua na kughusha mawushu ghawo andonyi, waja wandu wikawizera, “Kwaki mumlolagha kwa wafu uo uko moyo?

MABONYO GHA WADUMI 1:10

Nawo iji werekoghe wikizighana nokoighu ukighenda, wandu wawi wirwae nguwo ra chokwa wikakaia kimusi kaavui nawo na kughamba,

MABONYO GHA WADUMI 12:7

Shwa malaika wa Bwana ukakaia kimusi aho, na mwengere ghukang'ala-ng'ala chumbenyi cha jela; ukamnyavura Petro luwarunyi ukammbusira ukighamba, “Wuka shwa-shwa.” Nao minyororo ikapotoka kufuma mikonunyi kwake.

1 TIMOTHEO 3:16

Ni wushuhuda ghusedimagha kukanwa kukaia, iyo ngasu ya dini yedu ni mbaa na ndighi: Orewonekieghe worinyi kwa mumbi, ukarumirilwa kukaia na hachi ni Roho; Ukawonwa ni weke malaika, ukachilwa aghadi ya wandu wa iro mbari; ukarumirilwa wurumwengunyi, ukadwalwa aighu mlungunyi kwa wubaa.