LUKA 20:10 - Biblia Ilagho Jiboie Kwa Wandu Wose

¹⁰ Ngelo ekuwida zabibu iendavika, ukamduma mdumiki wake umu uneko matunda ghamu gha mbuwa ya mizabibu. Ela waja walimi wipangie, wikamkaba uja mdumiki na kummbunja usedwae kindo chingi.

LUKA 20:10 Σταυροειδείς Αναφορές

NEHEMIA 9:26

“Ela hata huwo saki, wandu wako wikalegha kukusikira; wikaighalukia sharia yako nambai. Wikawibwagha walodi awo werewiwonyereghe, wikiwighoria wikughalukie oho. Wikakumenya oho ngelo kwa ngelo.

WAROMA 7:4

Huwo koni wanidu, mwafue cha Sharienyi, kwa chia ya mumbi ghwa Kristo; mpate kuwuya wa mzima, uo orerukishiroghe kufuma kwa wafu; eri dipate kumvaia Mlungu matunda.

JOHANE 15:16

Inyo ndemorenisaghueghe ini anduangi, ela ni ini neremsaghueghe inyo, na kumduma mwende muve matunda, matunda ghiduagha; eri icho chose mchaalomba kwa Aba kwa irina japo umneke.

LUKA 13:34

“Ee Jerusalemu, Jerusalemu, kubwaghagha walodi na kuwilasa na magho awa widumwagha kwako, ni kalinga neretimieghe kuwikwanya wana wako sa iji nguku ikwanyagha vana vake aisi ya mawawa ghake kukalegha!

JEREMIA 35:15

Nadumie wadumiki wapo walodi wose konyu sena na sena ngimzera kula umu onyu ughaluke kufuma kwa chia rake mbiwi, m'boise mighendo yenyu. Msakenugha milungu mizima na kuidumikia, nenyo mchakaia isangenyi neremnekieghe inyo na weke ndeyo. Ela ndemdeghie madu kusikira, hata kusikira ndemusikire.

JEREMIA 20:2

Niko Pashuri ukanikaba na kunifunganya na vilingo verekoghe Mbenge ya Wandu ya lughu aho Hekalunyi ya BWANA.

JEREMIA 5:24

Ndewighoragha ngolonyi kwawo, ‘Ndedimuobuo BWANA Mlungu odu, uo udinekagha vua kwa vimu varo; vua ya sumesu na vua ya kwari, uo udiwikiagha vimu va makuwido.’

JEREMIA 2:30

Nawinekie wana wako adhabu, ela ndewicheetala kukuboisa weni. Mwawibwaghie walodi wenyu mmbeni, karakara na shimba ifondiagha.

ZABURI 1:3

Mundu uo ooka sa mudi ghuwalo mbai na mbai ya meda, ghuvagha matunda gharo kwa kimu charo na malemba gharo ndeghiomagha. Wadawona nicha kwa maza rose ubonyagha.

NEHEMIA 9:30

Korerumaghianyegha nawo mwaka kwa mwaka, kukawifuria walodi wako wiwiwonyere, ela wandu wako wikariwa madu, na oho kukawisigha wisimo ni wamaiza wawo.

2 MALAGHO GHA NGELO 16:10

Niko Asa ukajokwa ni machu aighu ya mlodi, ukamfunganya na vilingo va mudi, na kumngira jela, angu orekoghe na machu mabaa kwa wundu ghwa ilagho ijo. Ngelo iyo cheni, Asa ukawikoronga wandu wamu na ndighi.

2 WAZURI 17:13

Na BWANA orewikanieghe ukiwiwonyera Israeli na Juda kwa memu ya kula mlodi na kula mmboni ukighamba, “Ghalukenyi msighe chia renyu rizamie, muiwadie memu yapo na sharia rapo iro nerewilaghirieghe weke ndeyo na iro nerewidumieghe wadumiki wapo wimghorie.”

1 WAZURI 22:24

Niko mlodi Zedekia mwana wa Kenaana ukasoghoda kaavui, ukamkaba Mikaia na lui lwa idumbu ukamzera, “Roho wa BWANA wafumie kwapo lii ima ukachaghora na oho?”

LUKA 20:9

Niko Jesu ukawighoria wandu mfwano ughu: “Korekoghe na mundu umu orewaeghe mbuwa ya mizabibu, ukaipangisha walimi, ukadamba noko cha isanga ja kula kwa ngelo ndacha.

LUKA 20:11

Ukaduma umu sena, nao moni wikamkaba na kum'bonya kiwiwi loli-loli, wikammbunja mikonu miduu.

1 MALAGHO GHA NGELO 19:4

Hanuni ukawiwada wadumiki wa Daudi, ukawiara, ukadumbua nguwo rawo ghadi na ghadi a viwonunyi, ukawisigha wighende chia rawo.