LUKA 16:2 - Biblia Ilagho Jiboie Kwa Wandu Wose

² Ukammbanga na kumzera, ‘Ni malaghoki agha nawuyasikira aighu yako? Niredie mtalo ghwa wunyapara ghwako; angu ndekuchaakaia mnyapara sena.’

LUKA 16:2 Σταυροειδείς Αναφορές

MCHILI 12:14

Angu Mlungu uchatanya kula ilagho dibonyagha jikaiagha jiboie angu jizamie; hata agho ghibonyero kivisonyi.

MATHAYO 12:36

Namghoria, Ituku ja Kutanywa, wandu wichafunya mtalo ghwa kula ilagho ja duu werejidedieghe.

MATHAYO 20:8

“Hata iji luma lwa kenyi lwavika, uja bwana wa mbuwa ya mizabibu ukamzera mnyapara wake, ‘Wiwange vibarua wose kuwilipe mafungu ghawo; kuzoye na waja wa kutua, kumerie na waja wa imbiri.’

LUKA 12:20

Ela Mlungu ukamzera, ‘Ee mkelu, ichi kio cheni, roho yako ichakundwa, na ivo vindo vako kuvibonyere vichawuya vani?’

LUKA 12:42

Bwana ukamzera, “Idana mdumiki mucha na wa akili ni uao, uo Bwana wake uchaammbika aighu ya nyumba yake, uwiwaghie wadumiki wambao vindo vawo, kwa ngelo yaro?

LUKA 16:1

Nao Jesu ukawizera wanughi wake sena, “Korekoghe na mundu umu mzuri, nao orekoghe na mnyapara wake, ela ukakaia ukiredelwa mashitaka aighu yake sa iji orekoghe ukinona mali rake.

LUKA 16:3

Uja mnyapara ukaririkanya ngolonyi kwake, ‘Nibonya wada e hoku bwana wapo wanifunya kazi ya wunyapara? Ndighi relima siwadie, kulomba-lomba nako niafwa waya.

WAROMA 14:12

Kwa huwu, kula umu odu uchafunya mtalo ghwake moni imbiri ya Mlungu.

1 WAKORINTHO 1:11

Angu naghorelo ni wandu wamu wa nyumba ya Kiloe, wei mwaawuyarashana wanidu.

1 WAKORINTHO 4:2

Sena yakundikie wazighaniri wikaie waloli.

1 WAKORINTHO 4:5

Kwa huwo msaketanya imbiri ya ngelo, Bwana usechee; uo uchaariwika mwengerenyi maza rivisiro kirenyi idana, nao uchaifunukua mipango ya ngolo ra wandu. Niko kula mundu uchapata kukaswa kwake kufuma kwa Mlungu.

2 WAKORINTHO 5:10

Angu isi diwose, suti dikaie kimusi imbiri ya kifumbi cha kutanya cha Kristo; eri kula mundu upate malipo gha agho oreghibonyereghe ngelo uko mumbinyi; ikaiagha ni mecha, angu mawiwi.

1 TIMOTHEO 4:14

kusesighe kutumia inosi ja kiroho kuko najo, ijo korenekeloghe kwa chia ya wulodi, iji waghosi werekuwikirieghe mikonu.

1 TIMOTHEO 5:24

Kaung'a ra wandu wamu rawoneka worinyi, naro rakiria kughenda kutanyonyi; ela kaung'a ra wandu wamu radachawoneka nanyuma.

1 PETRO 4:10

Kula mundu ndetumie ijo inosi orejipatireghe kwa wundu ghwa fwaida ya mmbao, sa mzighaniri mucha wa mvono mzima-mzima ghwa Mlungu.

1 PETRO 4:5

ela wichafunya mtalo kwa Mlungu, uo uko tayari kuwitanya awo wiko moyo na awo wifue.

WUFUNUO 20:12

Nani nerewiwonieghe wafu wabaa na watini, wiko kimusi imbiri ya icho kifumbi cha nguma; na vuo vikakuchulwa. Na chuo chimu chikakuchulwa, nacho ni icho chuo cha irangi. Na awo wafu weretanyiroghe kunughana na maza wereribonyereghe, iro rereandikiloghe andenyi ya ivo vuo.