LUKA 11:4 - Biblia Ilagho Jiboie Kwa Wandu Wose

⁴ kudileke kaung'a redu angu na isi wori dadawilekia awo widikoseragha; kusakedikumba matimonyi.’”

LUKA 11:4 Σταυροειδείς Αναφορές

KUZOYA 48:16

na malaika uo orenikirieghe nisepato ni mawiwi; uwirasimie wana awa. Irina japo na marina gha weke aba Abrahamu na Isaaka, ndeghiduo andenyi kwawo. Nawo ndewizoghuo wive na kuchurikia ndoenyi kose.”

1 WAZURI 8:34

kusikire aho mlungunyi, kufuye wughoma kaung'a ya wandu wako Israeli, kuwiwunje isangenyi korewinekieghe weke wawae.

1 WAZURI 8:36

kusikire aho mlungunyi, kufuye wughoma kaung'a ya wadumiki wako Israeli. Kuwifundishe kubonya agho ghiko gha hachi, kurede vua isangenyi korewinekieghe jiwuye ifwa jawo.

ZABURI 121:7

BWANA uchakulindia na mawiwi ghose; uchakuwika banana.

ZABURI 25:11

Kunifuye wughoma kaung'a rapo nyingi ee BWANA kwa wundu ghwa irina jako.

ZABURI 25:18

Ririkanya aighu ya kukorongwa kwapo na wasi ghwapo, kunifuye wughoma kaung'a rapo rose.

DANIELI 9:19

Ee BWANA, sikira; Ee BWANA, fuya wughoma; Ee BWANA, sikira kubonye. Kusakemuka ee Mlungu wapo, kwa wundu ghwako kumoni, na kwa wundu ghwa muzi ghwako, na wandu wako wiwangilo kwa irina jako.”

HOSEA 14:2

Wuyenyi kwa BWANA na ilombi iji, “Kudifuye wughoma kaung'a redu, kudirumirie ilombi jedu nesi dichakukasa seji derelaghirieghe.

MATHAYO 18:35

Ni huwo koni Aba uko mlungunyi ndechaamleka inyo, ngera mselekanagha mmbeni na mmbeni kwa ngolo renyu rose.”

MATHAYO 26:41

Chereshenyi mlombe msengie mtimonyi, ija roho loli yakunde, ela mumbi ghwakaia mnyonge.”

LUKA 11:5

Nao ukawizera wanughi wake, “Nani konyu uko na mghenyi wake, nao umghendie kio ghadi umzere, ‘Mghenyi wapo, niazime mikate idadu;

LUKA 13:4

Angu, awo ikumi na wunyanya wereghuloghe ni mnara aja Siloamu ghukawibwagha, muaghesha wedeeka wawiwi kuchumba wandu wazima wose werekaieghe Jerusalemu?

LUKA 22:46

Nao ukawizera, “Kwaki mlalagha? Wukenyi mlombe msengie matimonyi.”

LUKA 8:13

Iri rerepotokieghe maghonyi, ni sa wandu wijisikiragha ilagho na kujiwusa kwa kuboilwa, ela kwa kukaia wisewadie miri ingi, ngelo ya matimo wadawuya nyuma.

JOHANE 17:15

Silombagha kuwifunye wurumwengunyi, ela nalomba kuwilindie na uja Mmbiwi.

1 WAKORINTHO 10:13

Ndekuwadie itimo jingi jimpatire, iseeka ni ijo jeni jiwipatagha wandu wose. Mlungu ni mloli, nao ndechaamsigha mtimo kuchumba ndighi renyu; ela chiaimweri na jija itimo, uchaboisa chia ejifuma, eri mdime kujirumaghia.

WAKOLOSAI 3:13

mkirumaghiana mmbeni na mmbeni, na ngera mndungi oko na ilagho jingi aighu ya mmbao, mfuyane wughoma sa iji koni Bwana oremfuyeghe wughoma inyo, nenyo wori suti mfuyane wughoma.

2 WATHESALONIKE 3:3

Ela Bwana ni mloli, nao uchamneka ndighi na kumlindia na uja Mmbiwi.

2 TIMOTHEO 4:18

Bwana uchanivuvua kufuma kwa kula kiwiwi, na kunikira kwa wundu ghwa Wuzuri ghwake ghwa mlungunyi. Kwake uo, ndeghukaie wubaa kwa kala na kala. Amen.

JAKOBO 2:13

Angu kutanya ndekuwadie wughoma, kwa uo usene wughoma; ela sena, wughoma ghwasima kutanya.

WUFUNUO 2:10

Kusakeobua agho matiriro ghichaakuchea. Olenyi wamu wenyu mwalighisa kungirwa kifungonyi ni Ibilisi, upate kumtima; nenyo mchatirirwa matuku ikumi. Kukaie mloli hata kufwa, nani nichakuneka kirumbu cha irangi.

WUFUNUO 3:10

Kwa kukaia kwajiwadie ijo ilagho ja kurumaghia luma kwapo, nani nichakulindia ngelo iyo ighucheagha wurumwengu ghose kuwitima awo wikaiagha ndoenyi.