KUFUMA 2:5 - Biblia Ilagho Jiboie Kwa Wandu Wose

⁵ Nao mwai wa Mzuri ukasea modenyi kukuoghosha, na wai wake wa kazi wikakaia wikisela-sela mbai na mbai ya moda. Ukawona kikapu andenyi marienyi, ukamduma mwai wake wa kazi uchishoo.

KUFUMA 2:5 Σταυροειδείς Αναφορές

MABONYO GHA WADUMI 7:21

hata iji orefunyiroghe, mwai wa Farao ukamshoa na kumlela sa mwana wake moni.

ZABURI 12:5

BWANA waghamba, “Kwa kukaia wakiwa waawuyakorongwa, na awo wisowagha waawuyaruma, nichawuka idana, niwibonyere wulindiri ugho wighukunde.”

ZABURI 9:9

BWANA nuo andu kokimbiria kwa uo ukorongwagha, ni ngome imange ngelo ya wasi.

ZABURI 46:1

Mlungu nuo andu kodu kokimbiria na ndighi redu. Oko tayari kutesia shwa ngelo ya wasi.

KUFUMA 8:20

BWANA ukamzera Musa, “Kesho kuwuke kokio, kughende kukwane na Farao ukighenda modenyi kumzere Bwana waghamba huwu, ‘Sigha wandu wapo wighende eri wipate kunidumikia.

KUFUMA 7:15

Idana kumghendie nakesho ukighenda modenyi, kummbeserie ahoeni mbai na mbai ya moda, kukiwadia ija zobo erewurieghe choka.

MAKATANISHO 21:1

Ngolo ya mzuri eeka sa kamoda ka machi mikonunyi kwa BWANA; wadaghilongoza sa iji ukundagha moni.

ZABURI 76:10

Loli wandu wibirie nandighi wichakukasa, na awo wifufunukagha machu ghako wichakukwanyikia.

1 WAZURI 17:6

Ngorusa rikamredia mkate na nyama nakesho na nakenyi, ukakaia ukinywa machi kufuma kwa ako kamoda.

JONA 1:17

BWANA ukawika samaki mbaa immile Jona; na Jona ukakaia andenyi ya kifu cha samaki matuku adadu kio na dime.

JONA 2:10

Niko BWANA ukaghora na samaki, nayo ikamdaika Jona mbai na mbai ya bahari.

KUFUMA 2:6

Mwai wa Mzuri uendachifunukua, ukawona mwana! Nao orekoghe ukilila. Ukawadwa ni wughoma ukaghamba, “Uhu ni umu wa waja wana wa Waebrania.”