JOELI 1:14 - Biblia Ilagho Jiboie Kwa Wandu Wose

¹⁴ Ereshenyi kufunga tumu, mmbange ikwanyiko; Kwanyenyi vilongozi na wandu wose wa Juda, wiche Hekalunyi kwa BWANA Mlungu onyu, mumkemie uo.

JOELI 1:14 Σταυροειδείς Αναφορές

2 WAZURI 10:20

Niko Jehu ukafunya momu, “Wikenyi ituku jemtasa Baali.” Nao wandu wikawika ituku.

2 MALAGHO GHA NGELO 20:13

Wandu wose wa Juda werekaieghe kimusi imbiri ya BWANA chiaimweri na waka wawo na wana wawo aho Hekalunyi.

NEHEMIA 8:18

Na kufuma ituku ja imbiri ja ndima hata ituku ja kutua, Ezra orekoghe ukishoma chuo cha Sharia ya Mlungu ituku ituku. Werebonyreghe ndima kwa matuku fungade, na ituku ja wunyanya korekoghe na ikwanyiko ibaa jefunga kunughana na mafundisho gha Sharia.

ESTA 4:16

“Ghenda kuwikwanye Wayahudi wose wiko Susa, wikufunye kufunga tumu na kulomba kwa wundu ghwapo, mseje hata kunywa kindo chingi kwa matuku adadu na vio varo. Wai wapo wa kazi chiaimweri nani dichabonya wokoni. Konyuma nichaghenda kwa mzuri hata ngera sharia yaleghie. Ikakaia ni kufwa, nifo.”

JEREMIA 14:2

“Juda waawuyalila, na mizi yake yaawuyasia. Wandu wake waalala andonyi wikilila kwa wasi, na kililo chaawuyasikirika kufuma Jerusalemu.

JEREMIA 36:9

Mwaka ghwa kasanu mori ghwa ikenda ghwa kubonya nguma kwake Jehoiakimu mwana wa Josia mzuri wa Juda, wandu wose wiko Jerusalemu, na wandu wose wichee Jerusalemu kufuma mizi ya Juda, wikaeresha kufunga tumu imbiri ya BWANA.

JOELI 1:2

Zighanenyi agha malagho inyo waghosi, sikirenyi inyo mmbose wandu wa Juda; welee, jingi mwawonie ilagho sa iji, ngelo renyu angu ngelo ra weke ndeyo?

WALAWI 23:36

Mchakaia mkireda mafunyo gha vindo kwa BWANA kwa matuku mfungade; na ituku ja wunyanya mchakaia na ikwanyiko ja wueli, na kufunya mafunyo gha vindo kwa BWANA; ijo ni ituku jetasa, msebonye kazi.

JONA 3:5

Wandu wa Nineve wikamrumiria Mlungu, wikaeresha malagho wandu wifunge tumu; wikarwa nguwo ra magunia kufuma m'baa wawo, hata mtini wawo.

JONA 3:8

Ela mdamu na nyamandu rirusho nguwo ra magunia, na kumlilia Mlungu nandighi; ee, kula mundu ndeghaluke na kutana na wuwiwi ghwake, na lung'eto uko nalo.

ZEFANIA 2:1

Inyo mbari isewadie waya, kwanyikenyi mmbose m'bonye ikwanyiko