JEREMIA 49:8 - Biblia Ilagho Jiboie Kwa Wandu Wose

⁸ Inyo wandu wa Dedani, ghalukenyi mkimbie mkuvise ndenyi; angu nichareda wuwiwi aighu ya kivalwa cha Esau; ngelo yavika niwikabe.

JEREMIA 49:8 Σταυροειδείς Αναφορές

JEREMIA 25:23

Dedani, Tema, Buzi, na wandu wose wiaragha virodi;

JEREMIA 46:21

Hata na masikari ghake ghekodeshwa ghiko aghadi kwake gheeka sa ngache ribandie, ee, waghalukie, wikakimbia; ndewidimie kumanga, kwa kukaia wavikilwa ni ituku jawo ja wasi, ni ngelo ya kukabwa kwawo.

JEREMIA 49:30

Ee wandu wa Hazori, kimbienyi mghende kula mkuvise ndenyi; kwa kukaia Nebukadnezari mzuri wa Babuloni wabonyere mpango na makusudi ghelwa nenyo.

ISAYA 21:13

Agha ni mawono aighu ya Arabu. Inyo wandu wa Dedani mchadamba na kubonya kambi renyu visachinyi va isanga ja Arabu.

WUFUNUO 6:15

Niko aho wazuri wa ndoenyi, na wandu wabaa, na wabaa wa majeshi, na awo wiwadie mali, na wandu wiwadie ndighi, na kula mundu, ukaigha mzumba angu mkitina, wikakuvisa mbangenyi, na aghadi ya maghamba ghiko mighondinyi;

JEREMIA 50:27

Bwaghenyi wandu wake wa irika wose; wiserenyi wibwagho. Ni bugha kwawo, angu ituku jawo jekabwa jameria kuvika.

JEREMIA 49:32

Donyi ngamila rawo wunyika, na mfugho rawo wori. Nichawisaghisa awo wiaragha virodi, nani nichawiredia wasi andu kwawo kose.

JEREMIA 48:44

Uo uchaakimbia kiture uchachunukia kinenyi; na uo ujokagha kufuma kinenyi uchawadwa ni mdegho. Kwa kukaia nichareda maza iri aighu ya Moabu, andenyi ya mwaka ghwawo ghokabwa, ini BWANA naghamba.

JEREMIA 48:28

“Sighenyi iyo mizi, mwendekaia mbangenyi ee wandu wa Moabu; mkaie sa mbughi iaghagha kijungi chake a lukororonyi.

JEREMIA 48:6

Waghamba, ‘Kimbienyi mkukire mmbeni! Kimbienyi sa furo kireti.’

JEREMIA 6:1

Kimbirienyi wusalama inyo wandu wa Benjamini! Fumenyi Jerusalemu! Kabenyi tarumbeta aho Tekoa, wonyerenyi alama aho Beth-Hakeremu, kwa kukaia wuwiwi ghwa kunoneka m'baa nandighi ghwaawuyacha kufuma kaskazinyi.

ISAYA 2:21

nawo wichakuvisa mbangenyi ra magho, na chughumenyi mbaa ra ndoenyi; wipate kukaia kula na machu gha BWANA na wubaa ghwa nguma yake; iji uchaawuka kuisughusa ndoe.

1 SAMUELI 13:6

Waisraeli wiendawona kukaia wangia andenyi ya mashaka mabaa, angu werekoghe wamarwa chia rose, wikakuvisa wamu mbangenyi, na wamu mirumenyi, na maghonyi na makaburinyi na visimenyi visewadie machi.

WATANYI 6:2

Wamidiani wikakaia na ndighi aighu ya Waisraeli, hata Waisraeli wikakubonyera weni vizimba vekaia mighondinyi, na mbangenyi, na ngome rekuvisa.

ISAYA 34:5

BWANA wawika lufu lwake tayari mlungunyi, nalo luasea kukaba Edomu, ee, awo wandu umerie kuwitanya kufwa.

EZEKIELI 25:13

nanimoni nichaghorua mkonu ghwapo nikabe Edomu; nichabwagha mdamu na nyamandu, na kusigha ijo isanga iduu, kufuma Temani hata Dedani, wandu wose wichabwaghwa kwa lufu.

MALAKI 1:3

na kummenya Esau. Nabonyere isanga jake ja mighondinyi jisigho iduu, na kukailwa ni mizozo ya kireti.”

MALAKI 1:4

Iji Waedomu waghamba, “Hata ngera mizi yedu yavuchulwa, ela dichaagha sena maghacho gharo,” BWANA Uwadie-Ndighi-Rose uchawitumbulia, “Ndewiaghe tu. Nichaichikanya hata wiwango, ‘Isanga ja wuwiwi na wandu wileghelo ni Mlungu kwa kala na kala.’”