JEREMIA 4:1 - Biblia Ilagho Jiboie Kwa Wandu Wose

¹ BWANA waghamba, “Iji kwakunda kuwuya, kuwuye kwapo ee Israeli. Kukainja wuchafu ghwa milimu yako niseiwone, nao kukaie kuseghalukagha,

JEREMIA 4:1 Σταυροειδείς Αναφορές

KUZOYA 35:2

Niko Jakobo ukawizera wandu wose wa nyumbenyi kwake na wose orekwanyeghe nawo, “Ifunyenyi noko milungu ya kighenyi iko aghadi konyu, mukueleshe inyo mmbeni na kughalusa marwao ghenyu;

2 WAZURI 23:13

Mzuri Josia ukakulusha aho andu kotasira milimu mighondinyi korebonyeroghe ni Solomoni, mzuri wa Israeli aho kusinyi ya Mghondi ghwa Kunoneka kwa wundu ghwa mlungu ghwa waka Ashtorethi ugho wuchafu ghwa Wasidoni na Kemoshi, ugho wuchafu ghwa Moabu, na Moleki, ugho wuchafu ghwa Waamoni.

2 WAZURI 23:24

Sena Josia ukawiinja wandu welomba njama kwa roho ra wafu, na wasawi na fwana retaswa, na milimu, na maza ra wuchafu rose rerewonekieghe andenyi ya isanga ja Juda, na andenyi ya Jerusalemu; eri upate kughimangisha malagho gha chuo chereshomeloghe ni mkohani, icho cherewonekieghe andenyi ya Hekalu.

2 MALAGHO GHA NGELO 15:8

Asa uendasikira malagho gha wulodi ghwa Azaria mwana wa Odedi, ukapata ngolo; ukainja nambai milimu isangenyi jose ja Juda na Benjamini, na iyo mizi oreiwadieghe isanga ja mighondinyi ja Efraimu, ukaiboisa madhabahu ya BWANA iyo erekoghe naimbiri ya waza ya Hekalu ya BWANA.

2 MALAGHO GHA NGELO 33:8

sichaawiinja wandu wa Israeli kufuma isangenyi nerejiwikieghe kwa wundu ghwa weke ndee, iji walindia kubonya ghose niwilaghirie; Memu yose, Sharia na mafundisho winekelo kwa chia ya Musa.”

2 MALAGHO GHA NGELO 34:33

Josia ukainja wuchafu ghose ghwa milimu ghorekoghe andenyi ya isanga jose jerekoghe ja Israeli; ukawibonya wandu wose werekoghe andenyi ya Israeli wimdumikie BWANA Mlungu wawo. Ndeweresighieghe kumnugha Mlungu wa weke ndee matuku ghose gha Mzuri Josia.

ISAYA 31:6

Mmburienyi Mlungu uo mumleghie nandighi ee wandu wa Israeli.

JEREMIA 15:19

BWANA waghora huwu, “Kukahea nichakuwunja kupate kunidumikia. Kukadeda malagho mecha wulalo ghwa agho ghisena fwaida, kuchawuya mundu ojigora ilagho japo; wandu wichakunugha oho, hata ndekuchaawinugha awo anduangi.

JEREMIA 15:4

Nani nichawibonya wishinikilo ni mawuzuri ghose gha ndoenyi kwa wundu ghwa agho ghibonyero aho Jerusalemu ni Manase mwana wa Hezekia, mzuri wa Juda.

JEREMIA 18:11

Idana kuwizere wandu wa Juda na wandu wa Jerusalemu, ‘BWANA waghora huwu: Ola nam'bonyera mpango ghom'bonya kiwiwi. Kula umu onyu ndewuye urisighe chia rake mbiwi, boisenyi mighendo yenyu na mabonyo ghenyu.’

JEREMIA 24:9

Nichawiredia wuwiwi ghoobolwa ni mawuzuri ghose gha ndoenyi, wipate kukaia masholio, na wandu wetanilwa na kusekwa na kutumia irina jawo sa wandu wiwadilo ni njowe andu kose nichaawisasara ndoenyi.

JEREMIA 25:5

wikighamba, ‘Ghalukenyi idana, kula umu onyu ufume kwa mighendo yake ya wuwiwi na mabonyo ghake ghizamie, mpate kujikaia isanga ijo BWANA oremnekieghe inyo na weke ndeyo kufuma koicho hata kwa kala.

JEREMIA 3:1

BWANA waghamba, “Keni mundu ukamsigha mkake, nao ulowolo ni mundu mzima, wadima sena kummburia muka uo? Huwo isanga ndajadalushwa anguwada? Ela oho Israeli kwanughie milungu mingi sa malaya unughagha wandu wengi, sena kookunda kuwuya kwapo.

JEREMIA 3:12

Ukaniduma nighende nimzere Israeli huwu: “Wuya ee Israeli kuseko mloli, Sichaakuvaia machu sena, kwa kukaia ini ne wa wughoma, sichaakaia na machu kwa kala anduangi.

JEREMIA 3:14

“Wuyenyi ee wandu mseko na wuloli, angu ini ne Bwana onyu, nichammbwada umweri kufuma mzinyi, na wawi kufuma kinyumba chimweri, nani nichamreda Jerusalemu.

JEREMIA 3:22

“Wuyenyi inyo wana mseko waloli, nani nichamkira kufuma kwa uko kusowa wuloli konyu.” Nenyo mwatumbulia, “Ola daawuyacha kwako, angu ni oho BWANA Mlungu odu.

JEREMIA 35:15

Nadumie wadumiki wapo walodi wose konyu sena na sena ngimzera kula umu onyu ughaluke kufuma kwa chia rake mbiwi, m'boise mighendo yenyu. Msakenugha milungu mizima na kuidumikia, nenyo mchakaia isangenyi neremnekieghe inyo na weke ndeyo. Ela ndemdeghie madu kusikira, hata kusikira ndemusikire.

JEREMIA 36:3

Kewada wandu wa Juda wichasikira agho mawiwi ghose nighambie nichawibonyera, na kewada wadima kughaluka kula umu wawo wihee, nani nipate kuwifuya wughoma wuwiwi ghwawo na kaung'a yawo.”

JEREMIA 4:4

Mumsikire BWANA, muinje wuchafu ghwa ngolo renyu inyo wandu wa Juda na wa Jerusalemu; machu ghapo ghisecheaka sa modo, hata mndungi usewoneke odima kughirimisha, kwa wundu ghwa wuwiwi ghwa mabonyo ghenyu.”

JEREMIA 7:3

BWANA wa majeshi uo Mlungu wa Israeli waghamba huwu, Boisenyi chia renyu, nani nichamsigha mkaie aeni aha.

JEREMIA 7:5

“Angu mkaboisa chia renyu na mighendo yenyu kwa loli, na kwa loli mkaitala hachi aghadi yenyu mmbeni na mmbeni,

JEREMIA 7:7

niko na ini nichamsigha mkaie aeni aha isangenyi ijo nerewinekieghe weke ndeyo kokala, mpate kujikaia kwa kala.

EZEKIELI 11:18

Na ngelo wichaawuya wichainja nambai vilambo vose vizamie na wuchafu ghose.

EZEKIELI 18:13

Wadakopesha ukikunda fwaida na kuwusa machurio; welee, mundu wa huwu wadima kukia? Hata, ndedimagha kukia. Mundu wa huwo ndedimagha kukaia moyo; wameria kubonya maza rose ra wuchafu, nao loli uchafwa, na kifwa chake chichamlawia moni.

EZEKIELI 43:9

Idana ndewisighe kutasa milimu kwawo na kurika gharia ra wazuri wawo aha; iro maza wiriwike kula nani, nani nichakaia aghadi kwawo kwa kala na kala.”

HOSEA 14:1

Ee wandu wa Israeli, wuyenyi kwa BWANA Mlungu onyu, kwa kukaia mookuwishwa ni makosa ghenyu gheni.

HOSEA 2:2

BWANA waghamba, “Wana wapo, mvoyenyi mayo, mumvoye - kwa kukaia si muka wapo kungi, na ini se mumi wake anduangi - upate kughaluka na kughusigha wumalaya ghwake, na wulaki ghwake gholeghakaia mloli;

HOSEA 7:16

Wanisighie na kuighalukia milungu isewadie ndighi; wakaia sa ndana ikomekie isedimagha kusuwirilwa. Wabaa wawo wichabwaghwa wudenyi angu wikukasire, na Wamisri wichawiseka.”

JOELI 2:12

BWANA waghamba, “Hata idana heenyi mmbuye kwapo kwa ngolo renyu rose; mkifunga na kulila kwa kudikwa ni mbori.

ZEKARIA 1:4

Msekaie sa weke ndeyo widueghorelwa malagho ni walodi kokala seji nighorie wisebonye wuwiwi na kaung'a, ela ndeweresikireghe.

WUKUMBUSO 27:15

“‘Mundu ukabonya fwana ewacha angu echana, nacho ni kilambo chibonyero ni mikonu kwa wuya ghwa mundu, na kuwikwa kivisonyi, uwado ni njowe; iro ni maza rimzamiagha BWANA.’ Na wandu wose widikie, ‘Amen.’

WUKUMBUSO 4:30

Iji kwangilwa ni wasi, na kupatwa ni maza iri rose, kutua kuchamghalukia BWANA Mlungu wako na kumsikira.

JOSHUA 24:14

Joshua ukachuria kughora, “Idana mumneke ishima na kumdumikia BWANA kwa ngolo na kwa wuloli, muinje nambai milungu ya weke ndeyo wereidumikieghe aho Mesopotamia na Misri, mpate kumdumikia BWANA.

WATANYI 10:16

Wikainja milungu ya kighenyi kufuma kwawo, wikamdumikia BWANA; nao ukawawa kwa wundu ghwa wasi ghwa Waisraeli.

1 SAMUELI 7:3

Niko Samueli ukawizera wandu wa Israeli wose, “Mkamghalukia BWANA kwa ngolo renyu rose, nao muinje milungu ya kighenyi, na ghuja mlungu ghwa waka Ashtorethi aghadi konyu, na kukuwika kwa BWANA putu, eri mpate kumtasa uo moni uekeri, uchamkira msekorongoghe ni Wafilisti.”