JEREMIA 2:34 - Biblia Ilagho Jiboie Kwa Wandu Wose

³⁴ Nguwo rako reechulwa ni bagha ya wakiwa wiseko na ikosa jingi, hata kusewiwonie wikibara nyumba; ela sena aighu ya agho ghose,

JEREMIA 2:34 Σταυροειδείς Αναφορές

2 WAZURI 21:16

Aighu ya agho, Manase orebwaghieghe wandu wengi wisewadie makosa ghangi, hata chia ra Jerusalemu rikachulwa ni bagha ii chia na ii chia; kula na iro kaung'a, orewishekerieghe wandu wa Juda kungia kaung'enyi na kubonya mawiwi imbiri yapo.

2 WAZURI 24:4

na kwa wundu ghwa kubwagha wandu wa hachi. Kwa kukaia Manase orebwaghieghe wandu wa hachi wengi wa Jerusalemu, na BWANA nderekoghe tayari kumfuya wughoma.

KUFUMA 22:1

“Mndungi ukaiwa njau angu ng'ondi, nao uibwaghe angu kuiuza; uchalipa njau isanu kwa njau imweri, na ng'ondi inya kwa ng'ondi imweri; suti ulipe icho uchiiwie. Iji usewadie kindo chingi, uchauzwa kwa wundu ghwa wutoi ghwake.

KUFUMA 22:2

Kitoi chikawadwa nakio chikibara nyumba, nao chikabo hata chifo, bagha yake ndeichakotelwa kwa mndungi

ISAYA 57:5

Inyo mwaawuyaakiana modo kwa bea renyu ra mumbi aisi ya mialoni, mkikaia aisi ya kula mudi ghwa malemba mawishi; inyo m'bwaghagha wana wenyu andenyi mavongonyi wikaie vizongona na kuwivisa andenyi ya chukarara ra magho.

ISAYA 59:3

Kwa kukaia mikonu yenyu yalushiro ni bagha ra wandu muwibwaghie, na vala venyu vachulwa ni wuwiwi; memu yenyu eechulwa ni kudeda malagho gha tee, na chumi renyu rachulwa ni kughora kiwiwi.

ISAYA 59:7

Mwaghenda na iseghe kubonya wuwiwi, mwashashira kudia bagha ya wandu wisene ikosa jingi. Maririkanyo ghenyu ni gha wuwiwi, na andu kose mwidagha mwadabonya mawiwi ghenona.

JEREMIA 19:4

Kwa kukaia wandu wanisighie, na kukunona andu aha kwa kuifukiria milungu mizima marumba, iyo wiseiichi, hata weke ndee, hata wazuri wa Juda wiseiichi; na andu aha wakunonie kwa kudia bagha ra wandu wisewadie ikosa jingi,

JEREMIA 2:33

Koko na wuya loli-loli gholola waka, hata aweni wizamie putu kwawifundishire chia rako.

JEREMIA 6:15

Welee, werewonieghe waya ingelo werebonyereghe wuwiwi ghwawo? Hata kutini; ndewerewonieghe waya hata kufwa waya anduangi. Kwa huwo wichaghwa aghadi ya awo wimerie kughwa, ingelo nichaakaia ngiwineka adhabu, nawo wichakumbwa noko,” waghamba BWANA.

JEREMIA 7:31

Waaghie madhabahu Tofethi andenyi ya Vololo ya Hinomu eri wipate kukora wana wawo wa womi na wa waka modonyi kwa kuwifunya kizongona; ilagho niserewilaghirieghe, hata jingi jisengia andenyi ya maghesho ghapo.

JEREMIA 7:6

nao mkaie msemkorongagha mghenyi, na mwana mkiwa, na muka mkiwa angu kudia bagha ya wandu wisena ikosa andenyi ya muzi ughu, nenyo msighe kuinugha milungu mizima emnonia inyo mmbeni;

JEREMIA 8:12

Welee, werewonieghe waya iji werebonyereghe ugho wuwiwi? Ndewerewonieghe waya hata kutini hata ndewiichi kufwa waya. Kwa wundu ugho wichaghwa aghadi ya awo wighue, Na ngelo nichaawikaba wichaghwa putu.

KILILO CHA JEREMIA 1:9

Wuchafu ghwake ghorewonekieghe worinyi, ela nderetalieghe kutua kwake kukaia wada. Kughwa kwake korekoghe koobosha; mndungi usedimagha kumhoresha. Wasimwa ni wamaiza wawo, nawo wamkemia BWANA uwifuye wughoma.

KILILO CHA JEREMIA 4:14

Vilongozi vake verekoghe vikimara-mara achienyi sa vitungure, wakushingie bagha loli loli mndungi usedimagha kuwiadada.

EZEKIELI 20:31

Iji mwaifunyira milimu manosi, na kuwifunya wana wenyu wa womi wikaie vizongona vekora, mwaawuyakulusha mmbeni hata linu. Welee, nadima kurumiria kuchalombwa ni inyo, ee wandu wa Israeli? Sa iji nikaiagha moyo, ini Bwana MLUNGU naghamba, sichaarumiria kulombwa ni inyo.

EZEKIELI 22:25

Wabaa wa isanga jawo weeka sa shimba irurumagha ikirashua madiwo ghake; wabwaghie wandu na kuwusa mali na vilambo vawo va zoghori mbaa, na kusigha waka wifuilo ni womi wengi isangenyi jawo.

EZEKIELI 23:45

Ela wandu wa hachi wichawitanya awa waka walaki, sena wabwaghi, na uko kutanya koni witanyagha nako walaki na wabwaghi. Kwa kukaia wadalaka na kubwagha.”

EZEKIELI 24:7

Bagha ra wandu wibwaghilo andenyi yaro nderidikie andonyi ridimagha kufinikirwa ni ndoe; reedikia maghonyi.

EZEKIELI 9:9

Nao ukanizera, “Kaung'a ra wandu wa Israeli na wandu wa Juda raaka mbaa nandighi; wandu wachulwa ni kudiana bagha isangenyi, na hachi kusoweka andenyi ya muzi ghwa Jerusalemu; angu waghamba, ‘BWANA wamerie kujisigha isanga; na BWANA ndewuewona.’