JEREMIA 1:5 - Biblia Ilagho Jiboie Kwa Wandu Wose

⁵ “Nerekumanyireghe imbiri nisekuumbie kifunyi, na imbiri kusevalo, nerekusaghueghe; nerekuwikieghe kukaie mlodi wa iro mbari ra wandu.”

JEREMIA 1:5 Σταυροειδείς Αναφορές

ZABURI 139:15

Iji maindi ghapo ghereumbwagha, na kuwadanishwa chiaimweri kwa wuya kifunyi kwa mao; iji nerezoghuagha aho kivisonyi, koremanyireghe angu neko aho;

ZABURI 139:16

koreniwonieghe imbiri nisevalo. Matuku ghapo ghose ninekelo, ghereandikiloghe andenyi ya chuo chako, imbiri jingi jaro jisezoe.

KUFUMA 33:12

Musa ukamzera BWANA, “Loli kwanizera niwilongoze wandu awa hata jija isanga, ela ndekunighorie uo mundu dichaakaianya ngiwilongoza; sena kwanizera wei kwaniichi na sena kwaboilwagha ni ini.

KUFUMA 33:17

BWANA ukamzera Musa, “Nichabonya ijo ilagho jeni kwanilomba angu kuniboiagha; sena nakuichi loli kwa irina jako.”

ISAYA 44:2

Ini ne BWANA uo orekuumbieghe, nakuteserie kufuma kuvalwa kwako. Kusakeobua Israeli oho ko mdumiki wapo, wandu wapo niwisaghue, awo niwikundagha.

ISAYA 49:1

Nisikirenyi, inyo wandu wa masanga gha pwani, inyo mkaiagha kula nisikirenyi, BWANA orenisaghueghe imbiri nisevalo, ukanidema irina kufuma kifunyi kwa mao.

ISAYA 49:5

Na idana, BWANA uo oreniumbieghe nikaie mdumiki wake kufuma kifunyi, eri nimghaluye wana wa Jakobo cha kwake, na Israeli upate kutumbanywa kwake, angu ninekelo ishima mesonyi kwa BWANA, na Mlungu wapo wawurie ndighi rapo.

JEREMIA 1:10

Wona, idime nakuneka nguma aighu ya mbari ra wandu na aighu ya mawuzuri, kukuo na kuchikanya; kunone na kukumba noko, kuaghe na kuwa.”

JEREMIA 1:4

BWANA ukaghora nani ukinizera,

JEREMIA 20:15

Uo mundu oreredieghe malagho kwa aba wei, “Kwavailwa mwana wa womi,” ukim'bonya uboilo, ndewado ni njowe.

JEREMIA 25:13

Nichaghikatisha malagho ghose nereghighorieghe aighu ya Babuloni, ee, kula ilagho jiandikilo andenyi ya ichi chuo seji Jeremia orefunyireghe wulodi aighu ya mbari rose.

JEREMIA 36:2

“Wada chuo, kuandike andenyi yaro malagho ghose nikulaghirie aighu ya Israeli na Juda, na mbari rose ra wandu, kufuma ituku jija nighorie na oho matuku gha Josia, hata linu.

JEREMIA 50:34

Mkomboli wawo oko na ndighi, irina jake ni BWANA wa majeshi. Loli ucharizighana maza rawo, upate kureda kuhora ndoenyi; ela kwa wandu wikaiagha Babuloni, uchawisowia kuhora.”

LUKA 1:15

angu uchakaia m'baa imbiri ya Bwana, ndechaanywa divei hata kilambo chingi chewongera anduangi. Uchachulwa ni Roho Mweli kufuma kifunyi kwa mae,

LUKA 1:41

Elizabeti uendasikira kuroghua kwa Maria, kana kakoo kikachumba kifunyi kwake, nao ukachulwa ni Roho Mweli;

LUKA 1:76

Na oho, mwanwapo, kuchawangwa mlodi wa Uo-Uko-Aighu-Nandighi, angu kuchamkiria Bwana kum'boisira chia yake;

JOHANE 10:36

welee, uja oreelesheroghe ni Aba, na kudumwa wurumwengunyi, inyo mwamzera, ‘Kwaawuyasholia,’ angu nighorie ‘Ini ne Mwana wa Mlungu?’

WAROMA 1:1

Ini Paulo, mdumiki wa Jesu Kristo, niwangilo nikaie mdumi na kuwikwa kwa wundu ghojichila Ilagho Jiboie ja Mlungu.

WAROMA 8:29

Awo orewimanyireghe kufuma imbiri, orewisaghueghe wipate kufwanana na Mwana wake moni, eri Mwana upate kukaia wa imbiri kuvalwa aghadi ya wanidu wengi.

1 WAKORINTHO 8:3

Ela uo mundu umkunde Mlungu, wamanyikie kwake.

WAEFESO 1:22

Mlungu waviwikie vilambo vose vikaie maghunyi kwake Kristo, na kummbika ukaie chongo aighu ya vilambo vose kwa wundu ghwa ikanisa;