JAKOBO 5:1 - Biblia Ilagho Jiboie Kwa Wandu Wose

¹ Idana inyo wazuri wa mali, lilenyi na kukema mchungu kwa wundu ghwa bugha rimcheagha.

JAKOBO 5:1 Σταυροειδείς Αναφορές

ZABURI 17:14

Kunikire na wandu wawiwi ee Bwana, awo wiko na kula kilambo wichikunde; kuwineke makabo ghikate, agho kughiwikie kwa wundu ghwawo; ghidimagha kuwikata wana wawo, hata na weke wawae.

MAKATANISHO 11:28

Uo ukusaghikagha na mali rake, richasia, ela mhachi, uchadeghedeka sa ilemba iwishi.

MAKATANISHO 11:4

Mali nderine fwaida ngelo ekabwa ni Mlungu, ela hachi yakiragha mundu na kifwa.

ISAYA 13:6

Lilenyi, angu ituku ja BWANA jeko kaavui, ijo ituku BWANA Uwadie Ndighi Rose uchaatotesha.

ISAYA 15:3

Warwa nguwo ra magunia na kuida achienyi wikilila kula umu wawo, na nyumbenyi na viwachenyi, wikidikwa ni mbori.

JEREMIA 4:8

Kwa wundu ughu, ronyi nguwo ra magunia, mkulilie na kudikwa ni mbori; kwa kukaia machu gha BWANA ghibirie, ndeghidisighie anduangi.”

JEREMIA 9:23

BWANA waghora huwu, “Mndungi uko na hikima usekukase kwa wundu ghwa hikima yake; hata mundu uko na ndighi usekukase kwa ndighi rake, hata mndungi uko mzuri wa mali usekukase kwa wundu ghwa mali rake.

EZEKIELI 19:2

kughambe: Mayo orefwananeghe na shimba ya waka saki aghadi ya shimba! Eredimieghe andonyi aghadi ya shimba ngoo, ikiwilela wana wake.

EZEKIELI 30:2

“Mwana wa mdamu, funya wulodi kughambe, Ini Bwana MLUNGU naghamba huwu, Lila kughambe: Ni bugha kwa ijo ituku!

JOELI 1:11

Fonyi waya inyo walimi, kemenyi inyo mlimagha mbuwa ra mizabibu; kwa kukaia ngano na shairi, na miwalwa yose yameria kunonwa.

JOELI 1:13

Ronyi nguwo ra magunia mlile ee Wakohani; inyo mdumikagha madhabahunyi, lilenyi ahoeni. Choonyi mlale mrwae nguwo ra magunia inyo mdumikagha imbiri ya Mlungu wapo! Kwa kukaia mafunyo gha viro na gha kunywa, ghasoweka Hekalunyi kwa Mlungu onyu.

JOELI 1:5

Wukenyi mlile inyo wawongeri; kemenyi inyo mnywagha divei; zabibu reboisa divei mbishi ranonwa putu.

MIKA 6:12

Wazuri wako wa mali waawuyasoka wakiwa na inyo mmbose mooka watee.

ZEFANIA 1:18

Ituku ijo, BWANA uchawonyera lubio lwake; feza na dhahabu rawo nderichaadima kuwikira. Ndoenyi kose kuchamerelwa ni modo ghwa machu ghake. Uchameria kula kilambo ghafla; uchameria kula umu ukaiagha ndoenyi.

WUKUMBUSO 32:15

“Wandu wa BWANA werewurieghe wazuri wa mali, ela waleghi; werejieghe vindo wikabanda na kusisina. Weremsighieghe Mlungu Muumbi wawo, na kumlegha mkiri wawo uwadie ndighi.

JAKOBO 1:11

Angu iruwa jabuka, na mruke ghwaro ghubirie, nagho ghwanyarisha nyasi; mboi yaro yapotoka, na kughoka kwaro kwalaghaya. Huwo koni mundu wa mali nyingi uchalaghaya aghadi ya mighendo yake.

JAKOBO 2:6

Ela inyo mwamsowia ishima uo mkiwa. Welee, awandu weni wiko na mali siwo weni wawuyamkoronga, wikimmbwada na kumghenja kotinyi?

JAKOBO 4:13

Idana inyo mghambagha, “Idime angu kesho, dichangia muzi msiku na msiku, dikaie aho mwaka mlazi dikibonya biashara na kupata fwaida;”

JAKOBO 4:9

Mkuwone moko wasinyi mlile na kukema mchungu. Seko renyu righaluso kukema mchungu, na kuboilwa konyu kuwue kuwawa.