JAKOBO 3:5 - Biblia Ilagho Jiboie Kwa Wandu Wose

⁵ Huwo koni lumi ni kia kitini, ela lwakukasa kwa maza nyingi. Wona seji msidu m'baa ghudimagha kukorwa ni modo mtini!

JAKOBO 3:5 Σταυροειδείς Αναφορές

AYUBU 22:17

Ni wandu weremleghieghe Mlungu, wikarumiria kukaia ndedimagha kuwibonya ilagho jingi.

ZABURI 10:3

Mundu mmbiwi wadakukasa na bea ra ngolo yake, mundu wa choyo, wadamuewia na kumlegha BWANA.

ZABURI 17:10

Ndewine wughoma, wiadeda kwa lubando.

ZABURI 39:1

Nereghambieghe, “Nichakulindia nisebonye kaung'a, kwa madedo ghapo; nichanyama kima ngelo rose wawiwi wiko kaavui nani.”

KUFUMA 15:9

M'maiza ukaghamba, ‘Nichawinugha niwiwade; nichawaghanya mali rawo, na kwa iro nichakatisha bea yapo. Nichakua lufu lwapo, na kuwitotesha kwa mkonu ghwapo.’

KUFUMA 5:2

Ela Farao ukaghamba, “Uo BWANA nani nidimagha kusikira lwaka lwake na kuwisigha Waisraeli wighende? Ini simwichi uo BWANA, sena sidimagha kuwisigha Waisraeli wighende anduangi.”

MAKATANISHO 12:18

Madedo ghibirie ghadadunga sa lufu, ela madedo gha mundu wa hikima ghadahoresha.

MAKATANISHO 15:2

Madedo gha mundu wa hikima ghadareda kumanya, ela madedo gha wakelu ghadareda wukelu.

MAKATANISHO 18:21

Madedo gha mundu ghadima kum'bonya ukaie moyo angu ufo, kwa huwo kuchaja agho kughidedie.

MAKATANISHO 26:20

Modo ghukasowa mbande, ghwadarima; na andu kodedana kuseko marashano ghadasia.

JEREMIA 18:18

Niko awo wandu wikaghamba, “Choonyi dibonye njama aighu ya Jeremia, kwa kukaia na jingi sharia ndeichakaia isefunywaghwa ni wakohani, na njama nderichakaia risefumagha kwa wandu wa akili, na ilagho ja Mlungu ndejichaalekwa kughorwa ni walodi. Choonyi dimghorie malagho ghemsima, disewuesikiria malagho ghangi ghake.”

EZEKIELI 28:2

“Mwana wa mdamu, ghora na m'baa wa Tiro kumzere, Bwana MLUNGU waghamba huwu: Ngolo yako yakusikire, na oho kwaghambie, ‘Ini ne mlungu, nadasea kidombo aighu ya kifumbi cha milungu, ghadi na ghadi ya bahari,’ na sena hoku ko mdamu ndekuko mlungu ungi, hata ngera kwakutala kumoni kukaia na hikima sa mlungu.

EZEKIELI 29:3

kughambe, ini Bwana MLUNGU naghamba huwu: Ne m'maiza wako oho mzuri wa Misri, Oho choka mbaa kukaiagha aghadi ya meda yako, kukighamba, ‘Moda ghwa Naili ni ghwapo, ni ini nereghubonyereghe.’

DANIELI 3:15

Idana iji mwasikira lwaka lwa tarumbeta, na misherembe, na zeze, na ngoma, na kayamba, na firimbi, na kula kilambo chebora, mugho kiwushu-wushu na kuitasa ija fwana ya dhahabu niibonyere. Kamanya muko tayari kubonya huwo, ichakaia nicha; ela mkalegha, mchakumbwa shwa-shwa andenyi ya iwiwi ja modo. Na oko hao mlungu udimagha kumkira na mkonu ghwapo?”

DANIELI 4:30

Mzuri ukaghamba, “Welee, ugho sighoghoni muzi ghwa Babuloni m'baa nighuaghie kwa kudima kwapo ghukaie malalo gha kiwuzuri ghwa wubaa na nguma?”

JAKOBO 3:4

Zighanenyi meli wori, hata ngera reko mbaa, naro raghenjwa ni mbeo mbaa, ela radaghalulwa ni sukano ndini na ndighi, andu kose uja kilongozi ukundagha.

2 PETRO 2:18

Angu, wikideda madedo gha kukukasa gha wukelu, wawiruda kwa bea rawo ra wulaki wandu wimerie kufufunuka kafwani kufuma kwa awo wikaiagha makosenyi.

JUDA 1:16

Wandu awa ni wezughunuka, ndewikatwagha, winughagha bea rawo reni, widedagha malagho mabaa gha kukukasa, na kusesea-sesea wandu, wikupatire weni fwaida.