JAKOBO 2:9 - Biblia Ilagho Jiboie Kwa Wandu Wose

⁹ Ela mkasaghuana, mwabonya kaung'a; nenyo mwatanywa ni Sharia kukaia wakosi.

JAKOBO 2:9 Σταυροειδείς Αναφορές

WALAWI 19:15

“Iji kwakatanya kusevise hachi; kusebonye wuchumbano ghungi kwa mkiwa, na kukaia wuzima kwa uo uko m'baa, ela kumtanye mmbenyu kwa hachi.

JOHANE 16:8

Nao moni kasikira wacha, uchaghuwonyera wurumwengu worinyi seji ghukosere; kwa kaung'a, na kwa hachi, na kwa kutanywa.

JOHANE 8:46

Nani konyu udimagha kunishuhudia kukaia neko na kaung'a? Ngera naghora loli kwaki msenirumiriagha?

JOHANE 8:9

Wiendasikira malagho agho, wikazoya kufuma umu umu wikizoya na waghosi; Jesu ukasigharika uekeri chiaimweri na uja muka uko kimusi.

MABONYO GHA WADUMI 10:34

Nao Petro ukazoya kuchila ukighamba, “Idana nawona loli Mlungu ndemtalagha mndungi kuchumba mmbao anduangi;

WAROMA 3:20

Angu ndekuwadie mndungi uchaatalwa kukaia na hachi imbiri ya Mlungu kwa mabonyo gha Sharia anduangi kwa kukaia kumanya kaung'a koocha kwa chia ya Sharia.

1 WAKORINTHO 14:24

Ela ngera wose wachila, na mundu wa shighadi angu userumirie ungie, ghose uchaaghisikira ghichamtanya, nagho ghichamfunukuya mawiwi ghake;

WAGALATIA 2:19

angu ini cha sharienyi nafue, na iyo Sharia niyo cheni inibwaghie; eri nipate kukaia moyo kwa wundu ghwa Mlungu.

WUKUMBUSO 1:17

Mkakatanya, msedawirie mndungi; muwisikire wabaa na watini karakara; msakemuobua mndungi, angu kutanya ni kwa Mlungu; na iyo kesi ichaamkuria, muirede kwapo, nani nichaisikiria.’

1 JOHANE 3:4

Kula mundu ubonyagha kaung'a ni mleghi sharia; kwa kukaia kaung'a ni kuja kulegha sharia.

JUDA 1:15

kuwitanya wandu wose, na kuwiwonyera mabonyo ghawo ghose ghiseko na kuobua kwa Mlungu, agho wibonyere kwa iyo chia iseko na kuobua kwa Mlungu; na kwa wundu ghwa maza rose rizamie awo wakaung'a wisewadie kuobua kwa Mlungu wiridedie aighu ya Mlungu.”