ISAYA 9:4 - Biblia Ilagho Jiboie Kwa Wandu Wose

⁴ Kwa kukaia kwaichikanyire ghongolo erewilemerieghe, na ghuja mzata ghorewikabagha maongenyi; ugho mzata ghwa mkorongi, kwaghuchikanyire seji koresimieghe majeshi gha Midiani.

ISAYA 9:4 Σταυροειδείς Αναφορές

KUZOYA 27:40

Kuchakaia moyo kwa lufu lwako, na oho kuchamdumikia mwanyinyu. Ela iji kwafufunuka, kuchaichikanya iyo ghongolo yake ifume singonyi kwako.”

ZABURI 125:3

Wandu wawiwi ndewichaadua wikibonya nguma isangenyi ja wahachi; wikabonya huwo, wahachi weni wadima kubonya kiwiwi.

ZABURI 81:6

“Nerekudueghe msigo ghorekoghe iongenyi kwako; ngakudua matofali koreghidukagha.

ISAYA 10:16

Kwa wundu ugho, Bwana, uo BWANA wa majeshi, uchawidumia masikari ghake ghibandie makongo ghewidarumisha; na kwa wubaa ghwake uchaibonya mimbi yawo ibuko ni modo.

ISAYA 10:5

BWANA waghamba, “Ni bugha kwake Ashuru nimtumiagha sa zobo ya machu ghapo na mzata ghwa lubio lwapo.

ISAYA 14:25

Nichawitotesha Waashuru andenyi ya isanga japo ja Israeli, na kuwiwadia-wadia aighu ya mighondi yapo; na ghongolo yawo ichafuma kwa wandu wapo, na msigo ghwawo ghuchainjika maweghenyi kwawo.

ISAYA 16:4

Sigha wakimbii wa Moabu wikaie kwako, kupate kuwilindia wisetotesho.” (Ngelo uo mkorongi na mtoteshi wainjika, na uko kutoteshwa kwasia, hata uo uwadiagha wandu na maghu ghake kuinjika isangenyi.

ISAYA 47:6

Wandu wapo werenivavirieghe ngolo, ngawilusha wandu wa ifwa japo; ngawingira mikonunyi kwako, na oho ndekorewifuyeghe wughoma hata kutini; kukawingira waghosi ghongolo ilemere nandighi.

ISAYA 49:26

Nichawibonya awo wikukorongagha wije nyama ra mimbi yawo, na kunywa bagha yawo sa divei. Niko wandu wose wichaamanya kukaia Ini ne BWANA Mkiri wako, na Mkomboli wako; Uja Uwadie Ndighi wa Jakobo.”

ISAYA 51:13

hata kumliwe BWANA Muumbi wako uo ubonyere mlungunyi, na kuwika msingi ghwa ndoenyi, na oho kodemuobuagha mkorongi wako matuku ghose ngelo kwammbona wakuwika tayari kukutotesha? Agho machu gha mkorongi wako ghekutotesha ghiao?

ISAYA 52:2

Wuka kukuanguo teri ee Jerusalemu kuko wunyikenyi; funyenyi minyororo iko singonyi konyu, ee wandu wa Jerusalemu muko wunyikenyi.

ISAYA 54:14

Kuchamangishwa kwa hachi, na makorongo ghichakaia kula na oho, kwa kukaia ndekuchaakaia na wowa, hata kiture; angu vichakaia kula na oho.

ISAYA 9:5

Kula chadu cha mundu wa wuda, na kula nguwo iwadie bagha, ichakorwa sa mbande.

JEREMIA 30:8

BWANA wa majeshi waghamba, “Ituku ijo nicharichikanya ghongolo rifume singonyi kwawo, na vilingo wifungilo navo; waghenyi ndewichaawibonya wikaie wadumiki wawo sena anduangi.

JEREMIA 48:17

Inyo mmbose muko mbai mbai yake mlilienyi, na inyo mmbose muichi sare yake ghambenyi, ‘Mzata ghwa nguma na kudima ghwachika-chika wada, ugho mzata ghwa wubaa!’

WALAWI 26:13

Ini ne BWANA Mlungu onyu, uo oremfunyireghe kufuma isanga ja Misri, eri msekaie wazumba wawo. Namerie kudumbua vifungo va ghongolo renyu, na kum'bonya mghende mghorokie.

NAHUMU 1:13

Nichawimeria Wasiria, na kuiinja minyororo erekufungieghe.”