ISAYA 57:2 - Biblia Ilagho Jiboie Kwa Wandu Wose

² nao wapata sere; awo wighendagha nicha wahora kifonyi.

ISAYA 57:2 Σταυροειδείς Αναφορές

KUZOYA 17:1

Nao iji Abramu wavika miaka mirongo ikenda na ikenda, BWANA ukamfutukia ukamzera, “Ini ne Mlungu-Uwadie-Ndighi-Rose; ninughe kukaia kukatie.

2 MALAGHO GHA NGELO 16:14

Wikamrika andenyi ya kaburi oreikotereghe moni mzinyi kwa Daudi. Wikammbika wulinyi ghuwikirilo vilungo va mbari zima-zima vibonyero ni m'boisi marashi; wikakora modo m'baa nandighi kwa ishima jake.

AYUBU 3:17

Wawiwi ndewiwuyaasumbua mndungi kaburinyi, na awo wisirilo wadahora.

ZABURI 37:37

Mzighane mundu mucha, kumlawuo mhachi; mundu wa sere wawadie kivalwa.

MCHILI 12:7

Wandu wichawuya ndoenyi, na roho iwuye kwa Mlungu uo oreifunyireghe.

ISAYA 14:18

Wazuri wose wa ndoenyi warikilo kwa ishima makaburinyi kwawo;

ISAYA 26:7

Chia ya mundu wa hachi yaghokie, Oho Mlungu kwadaidenderesha chia ya mhachi.

JEREMIA 6:16

BWANA waghora huwu, “Kaienyi kimusi chienyi ra matano mzighane, mkotie iro chia ra kala, andu iyo chia ndicha iko; mpate kughenda nayo, na kuhora rohonyi konyu. Ela wikaghamba, ‘Isi ndedichaaghenda nayo anduangi.’

EZEKIELI 32:25

Elamu walala aho aghadi ya awo werebwaghiloghe, chiaimweri na izungu ja wandu wake; makaburi ghawo ghikimmara chia rose, nawo wose ni wandu wiseshamishiro wibwaghilo wudenyi. Awo niwo werewioboshereghe wandu wa wurumwengu ghwa awo wiko moyo; nawo wiafushwa waya chiaimweri na awo wiseagha kinenyi, wawikwa chiaimweri na awo werebwaghiloghe.

DANIELI 12:13

Ela oho Danieli, ghenda chia yako hata kutua. Oho kuchafwa kuhore, na sena kucharuka kupate ifungu ja ifwa jako ngelo ya kutua.”

MATHAYO 25:21

Bwana wake ukamzera, ‘Mdumiki mucha oho, sena wa loli; korekoghe mloli kwa iro riko ndini, nichakuwika aighu ya iro riko mbaa. Ngia kuboilo andwamweri na bwana wako.’

LUKA 1:6

Nawo wose werekoghe wandu wa hachi, wikighenda kwa kuiwadia Sharia na malaghiro gha Mlungu kuseko na ikosa jingi.

LUKA 16:22

“Nao uja mkiwa ukafwa, ukadalwa ni weke malaika, ukasea kidombo kaavui na Abrahamu.

LUKA 2:29

“Idana Bwana msighe mzumba wako ughende kwa sere, kunughana na ijo Ilagho jako;

LUKA 7:50

Nao ukamzera muka, “Irumirio jako jakukira, kwende na sere.”

2 WAKORINTHO 5:1

Angu isi damanya, mimbi edu ya ndoenyi iko sa hema, iyo dikaiagha andenyi yaro, iji yavuchulwa, deko na iaghi jifumagha kwa Mlungu; nyumba isebonyero kwa mikonu, ya kala na kala, iko mlungunyi.

2 WAKORINTHO 5:8

Nesi deko na ngolo mbaa, dikiwona angu kufuma mumbinyi na kughenda cha kedu kwa Bwana, ni nicha kuchumba.

WAFILIPI 1:23

Naawuyasumbulwa ni maghesho awi-awi; nakunde niende kukanya na Kristo, angu ijo jachumbie ghose;

WUFUNUO 14:13

Nani neresikireghe lwaka kufuma mlungunyi lukighamba, “Andika huwu: Warasimilwa wafu wifwagha wiko andenyi ya Bwana kufuma idana.” Roho nao waghamba, “Ee, warasimilwa nandighi, wipate kuhora nyuma ya kazi rawo; angu mabonyo ghawo ghawinugha.”