ISAYA 4:6 - Biblia Ilagho Jiboie Kwa Wandu Wose

⁶ Ugho wubaa ghuchakaia sa kiju nadime eri mruke ghusekaie, nagho ghuchalindia ugho muzi na kughufinikira ghusepato ni vua na kiremba.

ISAYA 4:6 Σταυροειδείς Αναφορές

ZABURI 27:5

Ngelo ya wasi uchaniwika kijunyi kwake; uchanivisa Hekalunyi kwake, na kuniwika ighu aighu ya igho.

ZABURI 55:8

Kumangu nadashashira nipate andu konituwiria mbeo na kiremba.”

ZABURI 91:1

Uo ose ukaiagha aisi ya wulindiri ghwa Uo-Uko-Aighu-Nandighi, uo ukaiagha aisi ya kiju cha Uo-Uwadie-Ndighi-Rose,

MAKATANISHO 18:10

Irina ja BWANA ni mnara ghumange; mhachi wadaghukimbiria na kukaia banana.

ISAYA 14:32

Dichawitumbulia wada awo wadumwa wa iro mbari ra wandu? Dichawizera, “Mlungu wamerie kuimaziria Jerusalemu, na wandu wake witiririlo, wichakaia nicha andenyi yaro.”

ISAYA 25:4

Oho korekoghe ngome imange kwa mkiwa, ngome imange kwa uo orekoghe wasinyi kwa kusowa; kituwiro kwa wundu ghwa kiremba, na kiju kwa wundu ghwa mruke; angu kukaba kwa mng'eti ni karakara na kiremba chikabagha wurigha,

ISAYA 30:30

BWANA uchabonya lwaka lwake lwa nguma lusikirike, na ndighi ya ikabo ja machu ghake iwoneke; kuchakaia na lumu lwa modo lukumbagha andenyi ya iwingu ibaa chiaimweri na kiremba na vua ya magho.

ISAYA 32:1

Ngelo ichacha, mzuri uchaabonya nguma kwa hachi, na wabaa wibonye nguma kwa hachi.

ISAYA 32:2

Kula umu wawo uchawuya andu kokimbiria ngelo ya kiremba, kituwirio ngelo ya kikulughulu; wichakaia sa ndoria ra machi ikarenyi na kiju cha igho ibaa andenyi ya isanga jiomie.

ISAYA 8:14

Ini moni kwa wundu ghwa wueli ghwake, nichakaia igho ja makuwisho, na lwala lokuwisha kwa wuzuri ghwa Juda na Israeli; nani nichakaia mdegho na shaghala kwa awo wose wikaiagha Jerusalemu.

EZEKIELI 11:16

Kwa huwo kuwighorie ini Bwana MLUNGU naghora hata ngera nawifunyire na kuwighenja kula kwa iro mbari ra wandu na hata ngera nawisaghisire masangenyi, ela sena nichakaia andwamweri nawo kwa ngelo vui andenyi ya agho masanga wereghendieghe.

WAEBRANIA 11:7

Kwa irumirio, Nuhu uendawonyerwa ni Mlungu ndengwa ya maza richagha, risewonekie kande, ukasikira; nao ukaagha safina ewikira wandu wa nyumba yake. Kwa chia ihi, ukaghutanya wurumwengu, nao ukawuya mundu wa ifwa ja hachi ipatikagha kwa irumirio.

WAEBRANIA 6:18

eri kwa chia ya agho malagho awi, ilaghiro na ighemi, agho isedimikagha Mlungu ughore tee, isi dikusaghikie nao, didime kukaia na ngolo mbaa ejiwada ijo isuwirio jiwikilo imbiri kodu.

WUFUNUO 7:16

Ndewichaazughwa hata kusikira kau ingi sena. Iruwa ndejichaawikaba, hata kusikira kukabwa ni mruke ghungi anduangi.