ISAYA 32:10 - Biblia Ilagho Jiboie Kwa Wandu Wose

¹⁰ Kwa ngelo vui isevikagha mwaka mlazi, mchasughusika kwa wowa inyo waka mkunde kukuhoresha, kwa kukaia mizabibu yenyu ndeichaafunya mavalo hata ndemchaapata matunda ghangi gha zabibu.

ISAYA 32:10 Σταυροειδείς Αναφορές

JEREMIA 8:13

“Ngelo nichaawitumbanya wandu wapo wichakaia sa mzabibu ghusewadie zabibu, na sa mtini ghusewadie tini; na mbashu raro richakaia riomie, na icho nerewinekieghe, wichasokwa.”

ISAYA 7:23

“Ngelo iyo, andu korekoghe na miwalwa ya mizabibu elfu imweri, erekoghe ikipata pesa shekeli elfu imweri, kuchabuka mndungua na minjwa.

ZEFANIA 1:13

Mali rawo richadwalwa wunyika; nyumba rawo richatoteshwa. Hata ngera wariagha, ndewichaarikaia, hata wikeduawa mizabibu, ndewichaanywa divei yaro anduangi.”

HABAKUKI 3:17

Hata ngera mtini ghwakaia ghusewadie matunda, na zabibu kusoweka aighu ya mizabibu; hata ngera matunda gha mizeituni ghasoweka na mbuwa kusowa vindo, hata ngera ng'ondi rasia chaghenyi na ng'ombe kusoweka putu boronyi;

JOELI 1:12

Mizabibu na mizeituni enyaya; midi yose ya matunda enyaya na kuoma. Maboilo ghose gha wandu gheemeria kusia.

JOELI 1:7

Ranonie mizabibu yedu putu; rikaja mitini yedu putu. Rakonue makoko gha midi yaro; mbashu raro rikadawoneka ra chokwa.

HOSEA 3:4

Wandu wa Israeli wichakaia wisewadie mzuri angu m'baa ungi kwa matuku mengi; wiseko na kufunya vizongona, hata nguro ya wueli, hata milimu na fwana na naivera.

HOSEA 2:12

Nichainja mizabibu na mitini yake, iyo orekoghe ukighamba wei wakundwa wake wedemneka kwa wundu ghowidumikia. Nichaighalua mizabibu na matunda ghake ghiwue kireti.

ISAYA 16:10

Ndekuwadie mndungi uko na kuja kuboilwa andenyi ya mbuwa redu rinorie, hata mndungi ndewuebora andenyi ya mbuwa ra mizabibu kwa kukaba lukilighili. Mndungi ndewuekama zabibu, kuboilwa kose koomerelwa.

JOELI 1:5

Wukenyi mlile inyo wawongeri; kemenyi inyo mnywagha divei; zabibu reboisa divei mbishi ranonwa putu.