ISAYA 22:4 - Biblia Ilagho Jiboie Kwa Wandu Wose

⁴ Niko ngaghamba, “Nileke! Nisighe nilile kwa kuwawa, hata kusesumbuke kuninyamirisha, angu nawawa ni uko kunoneka kwa wandu wapo.”

ISAYA 22:4 Σταυροειδείς Αναφορές

JEREMIA 9:1

Kumangu chongo chapo chadawuya kisima cha machi, na meso ghapo kuwuya ndoria ra mbori; nipate kulila na dime na nakio kwa wundu ghwa kubwaghwa kwa wandu wapo.

MATHAYO 2:18

“Lwaka loresikiroghe muzi ghwa Rama, Lwaka lwa kulila na kukema mchungu; Raheli ukiwililia wana wake, ukalegha kuhoreshwa, angu wameria kufwa.”

MIKA 1:8

Niko Mika ukaghamba, “Kwa wundu ghwa ilagho iji nichalila na kukema mchungu; nichaghenda na maghu maduu niko mtughuta; nichakema sa kikwau, na kulila sa nyagha, kuwonyera wasi ghwapo.

JEREMIA 31:15

BWANA waghamba huwu: “Lwaka lwasikirika Rama lwaka lolila na kukema mchungu; Raheli ukiwililia wana wake, nao walegha kuhoreshwa kwa wundu ghwa wana wake, angu wameria kufwa.

JEREMIA 13:17

Mkalegha kusikira, nichamlilia kivisonyi, kwa wundu ghwa lukaso lonyu; nichalila kwa kuwawa, na mbori rapo richadika, kwa kukaia wandu wa BWANA wadwalwa wunyika.

ZABURI 77:2

Nadamlola Bwana ngelo ya wasi ghwapo; ngiwusira mikonu yapo na kulomba chee nisesilwagha; ngalegha kuhoreshwa.

LUKA 19:41

Nao iji wavika kaavui na ghuja muzi na kughuwona ukaghulilia,

LUKA 1:2

nawo wereandikieghe seji dighorelo ni wandu wijiwonie jija ilagho kwa meso ghawo kufuma imbiri, na kujidumikia;

MATHAYO 26:75

Petro ukakumbuka malagho oreghoreloghe ni Jesu, “Imbiri ya kudeda njogholo, kuchanikana kadadu.” Nao ukafuma shighadi ukalila na ndighi.

JEREMIA 8:18

Wasi ghwapo ndeghudimagha kuhoreshwa, ngolo yapo yakaia mkongo andenyi kwapo.

JEREMIA 6:26

BWANA wawizera wandu wake, “Ronyi nguwo ra magunia na kung'ara maivunyi; lilenyi nandighi kwa luwawo sa lolilia mwana wa womi wa ititi, angu mtoteshi udicheagha aighu yedu shwa wori.

JEREMIA 4:19

Luwawo lubirie! Luwawo lubirie! Niaghala-ghala kwa ulo luwawo! Ai kondenyi ngolonyi kwapo! Ngolo yapo yaawuyakaba icho kisha, sidimagha kunyama kima; kwa kukaia naawuyasikira lwaka lwa tarumbeta, lwaka lwa wuda.

ISAYA 33:7

Olenyi awo wiko na ndighi wiakema chienyi, wadumwa wenyu wereda sere wialila kwa kuwawa.

ISAYA 15:3

Warwa nguwo ra magunia na kuida achienyi wikilila kula umu wawo, na nyumbenyi na viwachenyi, wikidikwa ni mbori.

JEREMIA 9:18

Wandu waghamba, “Ndewishashire wiwoke kulila kwa wundu ghodu, meso ghedu ghichulo ni mbori; na vikunya vedu vidie mbori.”

KILILO CHA JEREMIA 2:11

Meso ghapo ghasera kira kwa kulila; roho yapo eko na kuwawa kubaa. Wasi ghwanisirisha ndighi kwa wundu ghwa kutoteshwa kwa wandu wapo. Wanake na awo wiongagha wiadumbuka achienyi ra muzi.

EZEKIELI 27:31

waara vongo vawo kwa wundu ghwako, na kurwa nguwo ra magunia kwa wasi; nawo wakulilia kwa luwawo lwa rohonyi, wikiwawa nandighi.

ESTA 4:1

Nao iji Mordekai warimanya iro maza, ukarashua nguwo rake, ukarwa nguwo ya igunia na kukudunga ivu. Ukaida ghadi na ghadi ya muzi ukilila kwa lwaka na kuwawa kubaa.

EZEKIELI 21:11

Kwa huwo, lufu lwafunywa lupate kuzughulwa na kutumilwa; lwakalishwa lukazughulwa lupate kunekwa mundu obwagha.