ISAYA 1:7 - Biblia Ilagho Jiboie Kwa Wandu Wose

⁷ Isanga jenyu jasighwa iduu, mizi yenyu yakorwa; waghenyi waja isanga jenyu mkizighanira; jeesighwa iduu seji jeenonwa ni waghenyi.

ISAYA 1:7 Σταυροειδείς Αναφορές

2 MALAGHO GHA NGELO 28:5

Kwa huwo BWANA Mlungu wake ukamfunya kwa mzuri wa Siria, uo oremsimieghe na kuwidwa wandu wake wengi wunyika, na kughenjwa Dameshki. Wokoni ukamfunya kwa mzuri wa Israeli, uo oremsimieghe na kubwagha wandu wake wengi nandighi.

ZABURI 107:34

wadaghalua ndoe inorie iwuye ya munyu, kwa kushekerelwa ni wuwiwi ghwa waisanga waro.

ZABURI 107:39

Iji wandu wa Mlungu wasimwa na kuwunjwa wa ndonyi, kwa chia ya matiriro na wasi,

ZABURI 109:11

Msile wake ndewade vilambo vake vose; waghenyi ndewiwuse vilambo vake uvidumikie.

ISAYA 1:8

Muzi ghwa Jerusalemu ghoosighwa sa kiwanda chiko mbuwenyi ya mizabibu; sa kigharo aghadi ya mbuwa ya marenge; sa muzi ghurughailo ni waghenyi.

ISAYA 3:8

Jerusalemu yamerie kukuwa, Juda yamerie kughwa; kwa kukaia madedo ghawo na mabonyo ghawo ni ghelwa na BWANA, nagho ghanona wubaa ghwake.

ISAYA 34:9

Meda ya Edomu ichawuya lami, na ndoe richawuya kibiriti hata riwuye sa lami iakagha.

ISAYA 49:19

“Kwa loli isanga jako jerenoneloghe, na kuwuya iduu, ela idana ndejichaawikata awo wichagha; na awo werekusaghisireghe, wichakaia kula.

ISAYA 5:17

Niko wana wa ng'ondi wichaja nyasi sa mlambenyi ghwawo, ngache na ndaghina richaja maghachonyi.

ISAYA 5:9

Bwana waghemie huwu ngisikira, “Loli nyumba nyingi mbaa sena righokie, richasighwa nduu risena wandu wekaia.

ISAYA 6:11

Niko ngakotia, “Hata lii ee BWANA?” Ukanitumbulia, “Hata mizi yanonwa na kusighwa miduu, na nyumba rikaie risene wandu, na isanga kusighwa iduu putu,

ISAYA 60:15

“Sa iji koni korelegheloghe na kumenywa, kukasowa hata mndungi oidiria kwako; niko koni nichaakubonya kuwoneke wa wubaa na kuboilwa kwa kala na kala.

ISAYA 62:8

BWANA waghemie kwa ndighi rake mbaa, kwa kudima kwake; “Sichaafunya viro vako sena vikaie vindo va wamaiza wako, na waghenyi ndewichaanywa sena divei yako koreidumikieghe anduangi.

ISAYA 64:10

Mizi yako ya wueli eewuya sa kireti, Sioni eewuya kireti, Jerusalemu ikasighwa duu.

ISAYA 9:18

Wuwiwi ghwa wandu ghuakora sa modo ghukoragha visachi va minjwa ghuakagha sa modo ghwa msidunyi, ghujosagha mosi sa ikungughu.

ISAYA 9:5

Kula chadu cha mundu wa wuda, na kula nguwo iwadie bagha, ichakorwa sa mbande.

JEREMIA 2:15

Wiamdokia sa shimba, wadoka nandighi; Wajibonyere isanga jake jikawuya kireti, na mizi yake yasighilo putu ikawuya maghacho.

JEREMIA 4:7

Mtoteshi wa iro mbari ra wandu wameria kufuma sa shimba ifumagha kisachinyi chake; waawuyacha kumtotesha Juda, na mizi ya Juda ichasighwa yameria kuwuya maghacho; na mndungi okaia andenyi yaro uchaasoweka.

JEREMIA 44:6

Kwa huwo nerejokeloghe ni machu ghapo na kubia kwapo aighu ya mizi ya Juda, na chienyi ra Jerusalemu, nayo ikasighwa miduu seji iwonekagha idime.

JEREMIA 6:8

Malagho agho ndeghikufundishe ee Jerusalemu nisechetana na oho; na kukubonya kuwuye mduu, isanga jisekailwagha ni wandu.”

JEREMIA 7:34

Ndekuchaakaia na mndungi andenyi ya mizi ya Juda na hata chienyi ra Jerusalemu; ndekuchaakaia na kuseka kungi aho, hata kuboilwa kungi; lwaka lwa bwana arusi angu lwa bibi arusi ndeluchaasikirika aho, kwa kukaia aho kuchawuya sa kireti.

KILILO CHA JEREMIA 5:2

Mali redu ranekelo waghenyi; waghenyi waawuyakaia andenyi ya nyumba redu.

EZEKIELI 25:4

kwa wundu ugho nichamngira mikonunyi kwa wandu wa mashariki wimmbuse. Wichabonya kambi na kukaia aghadi konyu; wichaja matunda ghenyu na kunywa mariwa ghenyu.

EZEKIELI 30:12

Nani nichaomera Naili, na kuneka wandu wawiwi ijo isanga. Nichainja kula kilambo chiko andenyi ya ijo isanga jipate kusighwa iduu, kwa kutumia mikonu ya waghenyi; ini BWANA naghora ilagho ijo.”

HOSEA 7:9

Ndewiwuemanya wei uko kusuwiria kwa wandu niko kwawisoka ndighi rawo; waghosia na ndighi, ela ndewiwuemanya.

HOSEA 8:7

Wikawa mbeo, wichakuwida kiremba; mbuwa isewurushagha viro ndeinekagha vindo na hata vikava, vichajighwa ni waghenyi.

WALAWI 26:33

Nani nichamredia wuda na kumsaghisa aghadi ya mbari zima. Isanga jenyu jichawuya kireti, na mizi yenyu ichawuya maghacho.

WALAWI 26:34

Na isanga jichahora ngelo rose jichaakaia iduu; iyo ngelo inyo mchaakaia isanga ja wamaiza wenyu, niko ijo isanga jichahora na kukaia nicha.

MIKA 5:11

Nichaitotesha mizi ya isanga jako na kuchikanya mawurigha ghako.

MIKA 6:13

Kwa huwo nazoya kubonya mipango ekunona na kukutotesha kwa wundu ghwa kaung'a rako.

WUKUMBUSO 28:33

Mbari kuseiichi, ichaja vindo kuvilimie kwa wasi, na oho kuchadua kukikorongwa na kubonywa kiwiwi;

WUKUMBUSO 28:43

“Mghenyi omara-mara uko aghadi kwako, uchachuria kujoswa kukuchumba, na oho kuchaserwa.

WUKUMBUSO 29:23

Mbuwa rose richasighwa nduu, rilungurilo ni kibiriti na munyu na maivu gha modo; ndejichaawalwa hata kubukwa ni isaka jingi. Jichakaia sa mizi ya Sodoma na Gomora, Adma na Zeboiimu iyo BWANA oreitoteshereghe kwa machu ghake na kubia kwake.