HOSEA 2:3 - Biblia Ilagho Jiboie Kwa Wandu Wose

³ nisechemrua nguwo na kumsigha duu, na kum'bonya uwoneke sa iji koni orevalwagha; nim'bonye ukaie sa kireti, na kummbika ukaie sa isanga jiomie, upate kubwaghwa ni kau.

HOSEA 2:3 Σταυροειδείς Αναφορές

KUFUMA 17:3

Ela wandu werekoghe waoma na ndighi, wikachuria kumzughunukia Musa wikighamba, “Kwaki koredifunyagha Misri kuchedibwagha isi, na wana wedu, na mfugho redu kwa kau?”

ISAYA 33:9

Isanga jeewuya ja wasi, jiasia; msidu ghwa Lebanoni ghoonyaya na kunoneka, Sharoni eeka sa ikara; hata aho Bashani na Mghondi ghwa Karmeli midi eewadwa ni pambari na kupotua malemba.

ISAYA 47:3

Kuchashanakulwa nguwo rako kusigho duu, na wandu wichaghuwona wuduu ghwako. Nichalipa kisasi hata sichaasigha mndungi.”

ISAYA 64:10

Mizi yako ya wueli eewuya sa kireti, Sioni eewuya kireti, Jerusalemu ikasighwa duu.

JEREMIA 12:10

Wabonyi nguma wengi wa kighenyi wamerie mbuwa yapo ya mizabibu, wikaiwadia na maghu ghawo, na kujibonya isanga japo jiboie jiwuye kireti kiduu.

JEREMIA 13:22

Na kukaghora ngolonyi kwako, ‘Kwaki nachelwa ni iri maza rose?’ Ni kwa wundu ghwa wungi ghwa makosa ghako, niko nguwo rako rafunukulwa na oho kukadidikwa.

JEREMIA 13:26

Ini nimoni nichafunukua nguwo rako rivike wushunyi, wuduu ghwako ghupate kuwoneka.

JEREMIA 14:3

Wandu wa ishima wiaduma wadumiki wawo kulola machi, wivika kisimenyi wikaasowa machi, wikaawuya na mitungi miduu. Wafwa ngolo na kukambwa ni chongo, nawo wawadia idumbu kwa wasi.

JEREMIA 17:6

Uchakaia kara kara na kisachi chiko kireti hata ndechaawona mecha ghangi. Uchakaia andu kuomie kireti, isanga ja munyu jisekailwagha ni wandu.

JEREMIA 2:31

Na inyo ee mbari ya Israeli, nisikirenyi ini BWANA. Huwo neewuya kireti angu kira chikambie kwa Israeli? Kwaki sena wandu wapo wighambagha, ‘Isi deko huru, ndedichawuya kwako sena?’

JEREMIA 2:6

Ndewicheeghora, ‘Uja BWANA udijosere kufuma isanga ja Misri lee oko hao, uo oredighenjereghe kireti isanga ja teri na makorongo; andenyi ya isanga jiomie ja kira kibaa, isanga jiseidwagha hata kukailwa ni mndungi?’

JEREMIA 22:6

“BWANA waghamba huwu aighu ya ngome ya mzuri wa Juda, ‘Ini nadakuwona sa Gileadi, kooka sa mdo ghwa Lebanoni; elaima nichakubonya kuwuye kireti, muzi ghusekailwagha ni wandu.

JEREMIA 4:26

Ngazighana ngawona, isanga jerechuloghe ni matunda jawuya kireti; na mizi yaro yose yawuya maghacho, kwa wundu ghwa machu ghibirie gha BWANA.

JEREMIA 51:43

Mizi yaro yawuya kilambo cheobosha, isanga jiomie jiwurie ikara ja kireti; isanga jisekailwagha ni mndungi, hata jiseidwagha ni mdamu ungi.

JEREMIA 51:5

Angu ini Mlungu, BWANA wa majeshi, siwisighie wandu wapo Israeli na Juda anduangi; ela isanga ja Wababuloni jeechulwa ni mawiwi aighu yapo ini Mlungu Mweli wa Israeli.

EZEKIELI 16:22

Na andenyi ya ugho wuchafu ghwako ghose, na wumalaya ghwako, jingi ndekukumbukie matuku gha wanake ghwako, ngelo korekoghe duu putu kukighala-ghala a baghenyi kwako.

EZEKIELI 19:13

Idana ghwabarishiro na kuwailwa kireti, isanga jiomie jisena machi.

HOSEA 13:15

hata ngera Israeli wawoneka kukaia nicha aghadi ya waruna, ela nichawetesha mbeo ya mruke ghwa mashariki ifumagha cha kireti, nayo ichaomera ndoria rake ra machi na viriwa. Iyo mbeo ichakaba na kughusha stoo ra mali rake na ra vilambo vake va zoghori mbaa.

HOSEA 2:10

Idana nichafunukua wuchafu ghwake imbiri ya wakundwa wake, hata ungi ndechaapatika omvuvua kufuma mikonunyi kwapo.

WUFUNUO 17:16

Na iro mbembe ikumi kuriwonie, chiaimweri na iyo nyamandu wichazamilwa ni ijo ilaya, nawo wichajisoka kula kindo, na kujisigha duu; wichaja nyama yake, na kujikora na modo;

WATANYI 15:18

Niko Samsoni ukasikira kau loli loli, ukammbanga BWANA ukamzera, “Oho kwadineka kusima kubaa kwa mkonu ghwa mdumiki wako: da niafwa ni kau na kughwa mkonunyi kwa awa wandu wiseshamishiro?”