DANIELI 8:17 - Biblia Ilagho Jiboie Kwa Wandu Wose

¹⁷ Nao Gabrieli ukacha kaavui na andu nerekoghe kimusi; ngaobua na kughwa kiwushu-wushu. Ela uo ukanizera, “Manya ee Mwana wa mdamu, kukaia, agho mawono ni gha ngelo ra kutua.”

DANIELI 8:17 Σταυροειδείς Αναφορές

KUZOYA 17:3

Abramu ukaghwa kiwushu-wushu na Mlungu ukamzera,

EZEKIELI 1:28

Sa lusenge lwa vua luko mawingunyi ngelo ya vua kunya, niko uko kung'ala-ng'ala kwaro korekoghe kwammara chia rose. Kuwoneka uko kodefwanana na wubaa ghwa BWANA. Nani iji nerehuwonieghe ugho wubaa, nereghueghe andonyi kiwushu-wushu, ngasikira lwaka lwa mndumu udedagha.

EZEKIELI 2:1

Nao ukanizera, “Mwana wa mdamu, wuka kimusi, nani nichadedanya na oho.”

EZEKIELI 44:4

Niko uo mundu ukanireda kwa chia ya mbenge ya kaskazinyi, na kuniwika imbiri ya Hekalu; hata iji nerekoghe ngizighana, ngawona wubaa ghwa BWANA ghwaichura Hekalu yake; nani ngaghwa kiwushu wushu.

EZEKIELI 6:2

“Mwana wa mdamu, zighana cha mighondinyi ya Israeli, kuilodere,

DANIELI 10:11

Nao malaika ukanizera, “Ee Danieli, Mlungu wakukunde na ndighi. Wuka kimusi kughiririkanye agho malagho nikughoriagha kwa kukaia naadumwa kwako.” Hata iji orekoghe ukighora agho malagho, ngawuka kimusi ngisughusika.

DANIELI 10:16

Uo malaika ufwanane na mdamu ukaniadada momu ghwapo ngazoya kudeda. Ngamzera, “Ee bwana wapo, agha mawono ghanivavira, nani naasilwa putu.

DANIELI 11:27

Na awo wazuri wawi wichasea kidombo meza imweri kuja vindo, wikikaia na wuwiwi ngolonyi kwawo. Wichakaia wikighoriana tee weni na weni, wisedimagha kuvikia kudumbua ilagho jingi; angu kutua kwawo kuchacha kwa ngelo ilaghirilo.

DANIELI 11:40

“Kutua kwa mzuri wa Siria kukavika, mzuri wa Misri uchacha na kulwa nao. Mzuri wa Siria uchakufunya na masikari ghake kulwa na mzuri wa Misri kwa ndighi mbaa sa kikulughulu, kwa magare na wajoki farasi, na meli nyingi. Uchakaba masanga mengi seji machi ghichuagha isangenyi, na kuida noko.

DANIELI 12:13

Ela oho Danieli, ghenda chia yako hata kutua. Oho kuchafwa kuhore, na sena kucharuka kupate ifungu ja ifwa jako ngelo ya kutua.”

DANIELI 12:4

Ela oho Danieli, kucha icho chuo, kukabe mhuri aighu yaro hata ngelo ya kutua. Wandu wengi wichaghenda ii chia na ii chia wikilola kuchuria kumanya.”

DANIELI 2:46

Niko mzuri Nebukadnezari ukaghwa kiwushu-wushu, na kumneka Danieli ishima ibaa; ukafunya momu kukaia ufunyiro vizongona na marumba.

DANIELI 7:16

Ngamsoghodera mndumu wa awo werekaieghe aho, ngamkotia wuloli ghwa agho mawono ghose. Niko ukanighoria na kunimanyisha kutambua kwaro maza iro rose.

DANIELI 8:15

Niendawona agho mawono, ini Danieli nerelolieghe nimanye kutambua kwaro; nani ngawona mndumu wakaia kimusi imbiri kwapo.

DANIELI 8:19

Ukanizera, “Ola nichakumanyisha iro maza richaakaia kutuonyi, ngelo ya machu gha Mlungu. Agho mawono ni kwa wundu ghwa ngelo ya kutua.

DANIELI 8:27

Ini Danieli ngalemwa na kuwuya mkongo kwa matuku mengi. Niko ngawuka na kuzoya kubonya kazi ra mzuri, ela nereshinuloghe ni agho mawono, hata seredimieghe kughitambua anduangi.

DANIELI 9:23

Kwendazoya kuvoya, itumbulio jafunyiroghe. Nacha kukughoria kwa kukaia kwakundo nandighi. Kwa huwo sikiria, kutambukilo ni agho mawono.

DANIELI 9:27

Uja m'bonyi nguma uchabonya mapatano ghimange na wandu wengi kwa miaka mfungade, nao uchafunga vizongona na mafunyo visefunyo ghadi na ghadi ya iyo miaka mfungade. Mmbiwi mnoni uchangirwa kondenyi Andu kwa Wueli kwa Hekalu, nao uchakaia aho hata uo oremmbikieghe aho uvikie kutua kwake kupangilo ni Mlungu.”

HABAKUKI 2:3

Kwa kukaia ngelo ya agho mawono kukatia ndeivikie; ela ngelo yaro iacha. Ikafwana kumuka, kuiweserie; angu loli ichacha ndeichaamuka anduangi.

MATHAYO 17:8

Hata iji wawuka na kuzighana, ndewerewonieghe mndungi ela Jesu uekeri.

WUFUNUO 1:17

Nani iji neremmbonieghe, nereghueghe maghunyi kwake seji naafwa. Ela ukaniwikiria mkonu ghwake ghwa kiwomi ukaghamba, “Kusakeobua, ini nuo wa imbiri, na wa kutua;

WUFUNUO 22:8

Ni ini moni Johane neresikireghe na kuriwona maza iri. Nani iji neresikireghe na kuriwona, nereghueghe kijimijimi maghunyi kwa uo malaika oreniwonyereghe maza iri, nani ngakunda nimtase.