DANIELI 11:18 - Biblia Ilagho Jiboie Kwa Wandu Wose

¹⁸ Konyuma, uchaghaluka cha masanga gha pwani, na kuwada malazi; Ela m'baa umu wa majeshi uchamsima, na kumeria uko kukukasa kwa mzuri wa Siria, na kumfusha waya.

DANIELI 11:18 Σταυροειδείς Αναφορές

ESTA 10:1

Nao Mzuri Ahasuero ukafunya momu wandu wose isangenyi na masanga gha pwani andenyi ya wuzuri ghwake wifunye kodi.

ISAYA 66:19

na kumanya angu ni ini niwikabie. Kufuma kwa wandu wamu wawo wichaavuvuka, nichawiduma kwa iro mbari ra wandu: Tarshishi, Putu, na Ludi, awo witumiagha ndana, na kwa Tubali, na Javani, na kwa masanga gha pwani ghiko kula, awo wiseisikire nguma yapo angu kughuwona wubaa ghwapo; nawo wichaghenda na kughuchila wubaa ghwapo kwa iro mbari ra wandu.

JEREMIA 2:10

Ruwukenyi hata kisiwa cha Kupro, angu dumenyi wandu Kedari mzighane nicha; mmbone ngera ilagho sa ijo jakaie.

JEREMIA 31:10

BWANA waghamba, “Sikirenyi ilagho japo inyo mbari ra wandu, mghorie masanga gha pwani ghiko kula mghambe, ‘U orewisaghisireghe wandu wa Israeli, nao uchawitumbanya sena, seji mlisha ulindiagha chagha chake.’

EZEKIELI 27:6

Weretumieghe mialoni ya Bashani, kukubonyera makasia; wikabonya wualo ghwako na mbau ra misumbesu, ifumie pwani ya Kupro, ghukakandwa na mbembe ra chovu.

HOSEA 12:14

Wandu wa Israeli wamvavirie BWANA nandighi, hata eewifwana wifo kwa makosa ghawo. BWANA uchawikaba kwa wundu ghwa masholio upatire kwa wundu ghwawo.

ZEFANIA 2:11

BWANA uchawiobosha. Uchaimeria milungu yawo na kuibonya kukaia si kindo chingi, na kula mbari ichamtasa BWANA isangenyi kwake.

MATHAYO 7:2

angu sa iji koni muwitanyagha wazima, nikokoni na inyo mchaatanywa ni Mlungu; na icho kipimo mpimiagha nacho wambenyu, nicho cheni chichaatumilwa kumpimia inyo.

WATANYI 1:7

Adonibezeki ukaghamba, “Wazuri mirongo mfungade widumbulo vala vawo va maghosi na mano ghawo gha maghosi, werekoghe wikishoa makombo aisi ya meza yapo. Mlungu wanibonyera sa iji koni nerebonyereghe.” Nao wikamreda Jerusalemu, ukafuya aho.