AYUBU 9:5 - Biblia Ilagho Jiboie Kwa Wandu Wose

⁵ Wadainja mighondi isemanyagha, na kuibingilisha kwa machu ghake.

AYUBU 9:5 Σταυροειδείς Αναφορές

LUKA 21:11

kuchakaia na misughusiko mibaa ndoenyi, njala na saka rizamie andu kuzima kuzima, kuchakaia na maza mbaa reobosha riwonekagha mawingunyi.

MATHAYO 27:51

Niko aho pazia ya Hekalu ikarashuka vibelele viwi kufuma aighu hata andoenyi; ndoe ikasughusika, na magho ghikabarika;

WUFUNUO 11:13

Ngelo ija cheni, korekoghe na msughusiko m'baa ghwa ndoe, na ifungu ja ikumi ja muzi jikaghwa; wandu elfu mfungade wikabwaghwa ni ugho msughusiko; na awo weresigharikieghe, wikakambwa ni chongo na ndighi, na kuobua, nawo wikamneka wubaa Mlungu wa mlungunyi.

HABAKUKI 3:10

Iji mighondi erekuwonieghe ikaobua; vua ikanya kufuma mawingunyi; machi mengi ghikaghona ndoenyi nandonyi, na mivo-mivo yaro ikawuka nokoighu.

WUFUNUO 6:14

Mawingunyi koreinjikieghe seji karatasi rikuchwagha, na kula mghondi na kisiwa vereinjikieghe andu kwaro.

MATHAYO 21:21

Jesu ukawizera, “Namghoria loli, mkakaia na irumirio, msebonyagha kiture chingi, mwadima kubonya si seji yabonyeka kwa ughu mtini tu, ela hata mkaghuzera mghondi ughu, ‘Kuka kukukumbe baharinyi’ jichabonyeka.

1 WAKORINTHO 13:2

Na ngera nakaia nandighi ra wulodi, na kutambua ngasu rose, na kumanya kose; na ngera nakaia na irumirio jikatagha kuinja mighondi, nani siwadie lukundo, se kilambo chingi.

ZEKARIA 4:7

Vighirio viwonekagha sa mghondi vichainjika imbiri kwako, na oho kuchaiagha Hekalu sena. Kukaimeria, kukiwika igho ja kutua, wandu wichazuma wikighamba, ‘Yaghoka nao! Yaghoka!’”

HABAKUKI 3:6

Ukakaia kimusi ndoe yadasughusika; ukazighana tu, mbari ra wandu radasughisika. Mighondi mibaa ya kokala ikasaghasika, na mighondi mitini ya kokala ikaneng'ena, iyo mighondi oreiselieghe kokala.

ISAYA 40:12

Mndungi wadima kupima machi na ngonde ya lui lwake? Angu kupima mawingu kwa mkonu ghwake? Nani udimagha kudungiria ndoe ra wurumwengu andenyi ya kikombe, angu kupima wulemeri ghwa mighondi mibaa na mitini?

ZABURI 114:6

Kwaki mramaa-rama sa mburi ee mighondi mibaa? Kwaki mramaa-rama sa wana wa ng'ondi ee mighondi mitini?

ZABURI 68:8

ndoe ikasughusika, mawingunyi kukanyesha vua kwa kucha kwake Mlungu wa Sinai, uo Mlungu wa Israeli.

ZABURI 46:2

Kwa huwo, hata ngera ndoenyi kwaghaluka, na mighondi kuwuduka ghadi na ghadi ya bahari, ndedichaaobua.

AYUBU 28:9

“Mdamu wakotagha igho jikurie nandighi, na kuwudua mighondi na virimba varo.

AYUBU 26:6

Mlungu waichi maza rose ra Andu kwa Wafu; ndekuwadie kilambo chingi chivisikie kwake anduangi.

AYUBU 34:25

Kwa kukaia waichi mabonyo ghawo, wadawiinja na kuwisaghisa nakio.

AYUBU 41:11

Nani wawuyanilawia nimlipe? Vilambo vose viko ndoenyi ni vapo.

AYUBU 40:11

Wizighane wandu wikujosere; wiwonyere machu ghako kuwisere.

NAHUMU 1:5

Mighondi yasughusika imbiri ya BWANA. Mighondi mitini yasagha imbiri yake. Ndoenyi kwasughusika imbiri yake; wurumwengu na vose viko andenyi yaro wori vasughusika.

NAHUMU 1:6

Nani udimagha kukaia moyo ukajokwa ni machu? Nani udimagha kughirumaghia machu ghake ghibirie? Machu ghake ghadilwa sa modo, na magho ghabarika imbiri yake.