2 WAZURI 7:2 - Biblia Ilagho Jiboie Kwa Wandu Wose

² Uja m'baa ozighana maza ra mzuri ukamzera mlodi Elisha, “Hata BWANA moni ukabonya mawingu ghidie viro sa vua idime jeni, loli idimika ilagho ijo jikaie?” Elisha ukatumbulia, “Ola kuchawona na meso ghako, ela ndekuchaaja.”

2 WAZURI 7:2 Σταυροειδείς Αναφορές

MALAKI 3:10

Redenyi ifungu ja ikumi jose Hekalunyi, vindo vipate kuchua aho. Nitimenyi kwa chia iyo, mmbone ngera simrughuyagha madirisha gha mlungunyi, na kumdiria marasimio gha vindo vingi.

KUZOYA 7:11

Niko ugho mwaka ghwa maghana arandadu ghwa Nuhu, mori ghwa kawi, na ituku ja ikumi na mfungade ja ugho mori, ndoria rose ra machi gha ndoenyi rikarughuka kwa wungi, na madirisha gha mlungunyi ghikarughuka.

2 TIMOTHEO 2:13

Dikasowa wuloli, uo wadua mloli; angu uo ndedimagha kukukana moni anduangi.

WAROMA 3:3

Da ikaia wada ngera wamu ndewerekoghe waloli? Welee, kuja kusowa wuloli kwawo kuinja wuloli ghwa Mlungu?

ZABURI 78:41

Weremtimieghe sena na sena, na kum'bonya Uo Mweli wa Israeli ujoko ni machu.

ISAYA 7:9

Muzi m'baa ghwa Israeli ni Samaria, na m'baa waro ni Mzuri Peka mwana wa Remalia. Kukalegha kurumiria, loli ndekuchaamanga.’”

2 MALAGHO GHA NGELO 20:20

Wikawuka nakesho kio, wikaghenda cha kireti cha Tekoa; hata iji werekoghe wikighenda, Jehoshafati ukawuka kimusi ukaghamba, “Nisikirenyi inyo wandu wa Juda nenyo mkaiagha Jerusalemu! Mrumirienyi BWANA Mlungu onyu nenyo mchamangishwa; wirumirienyi walodi wake, nenyo mchasima.”

2 WAZURI 5:18

Nalomba BWANA unifuye wughoma ini mdumiki wako, ingelo bwana wapo mzuri wa Siria wakaghoghoma kutasa andenyi ya nyumba ya Rimoni, mlungu ghwa Siria, nani ngakaghoghoma ngimlindia andenyi ya iyo nyumba; nalomba BWANA unifuye wughoma kwa ilagho iji.”

WUKUMBUSO 3:27

Ela joka koighu mghondinyi ghwa Pisga, kuwusire meso ghako kuzighane cha magharibi, cha kaskazinyi, cha kusinyi, na cha mashariki, kuwone ijo isanga na meso ghako; angu oho ndekuchaaruwuka ughu Moda ghwa Jordani.

JEREMIA 29:32

nichamkaba Shemaia Mnehelami na kivalwa chake chose; ndechaakaia na mndungi odua moyo aghadi ya awa wandu, na kuwona iro maza ndicha nichaawibonyera wandu wapo, kwa kukaia wadeda malagho ghewibonya winileghe.’”

MITALO 11:13

Niendapatira hao nyama rewineka awandu wose nawo hawa waawuyanililia wikighamba, ‘Dineke nyama dije?’

MITALO 23:19

Mlungu si mdamu udimagha kughora tee, angu mwana wa mdamu udimagha kuhea. Wele ughora sena ulemo ni kubonya? Angu udede, sena ulemo ni kukatisha?