2 SAMUELI 9:11 - Biblia Ilagho Jiboie Kwa Wandu Wose

¹¹ Siba ukamzera mzuri, “Maza iro rose kwanilaghira mzuri, nicharibonya ini mdumiki wako. Niko Mefiboshethi ukaja mezenyi kwa Daudi, sa umu wa wana wa mzuri.”

2 SAMUELI 9:11 Σταυροειδείς Αναφορές

2 SAMUELI 15:15

Wadumiki wa mzuri wikamzera, “Ola deko tayari isi wadumiki wako kubonya ijo jose bwana odu mzuri uchaaghora.”

2 SAMUELI 19:17

Ukachanya na wandu elfu ikumi wa kichuku cha Benjamini, na Siba uja mdumiki wa nyumba ya Sauli, chiaimweri na wana wake ikumi na wasanu, na wadumiki wake mirongo iwi; wose wikashashira kusea cha Jordani wikavika imbiri mzuri usechee.

2 SAMUELI 19:24

Nao Mefiboshethi wawae Sauli ukasea kummara mzuri; orekoghe useoghoshere maghu ghake, hata kuara sombe rake; nderefueghe nguwo rake kufuma ituku mzuri ufumie Jerusalemu hata ituku uwurie banana.

2 SAMUELI 19:26

Ukatumbulia, “Nechi mdumiki wapo odenikalia ee bwana wapo mzuri. Ini mdumiki wako nerefumieghe to, ngamzera mdumiki wapo unialie punda nimjoke nipate kughendanya na mzuri. Kwa kukaia ini mdumiki wako ne mkelemeri.

2 SAMUELI 9:10

Na oho, chiaimweri na wana wako, na wadumiki wako, mchakaia mkiilima iyo ndoe kwa wundu ghwake, na kureda mavalo gharo; eri mwana wa bwana wako usesowe kindo cheja. Ela Mefiboshethi moni, uo mwana wa bwana wako, uchakaia ukija mezenyi kwapo matuku ghose.” Siba orekoghe na wana wa womi ikumi na wasanu, na wadumiki mirongo iwi.

2 SAMUELI 9:12

Mefiboshethi orekoghe na mwana mtini wa womi uwangwagha Mika. Awo wandu wose werekoghe wikikaia nyumbenyi kwa Siba wikawuya wadumiki wa Mefiboshethi.

2 SAMUELI 9:13

Niko Mefiboshethi ukakaia Jerusalemu, ukadua ukija vindo mezenyi kwa mzuri matuku ghose; nao orekoghe mkelemeri wa maghu ghake ghose.