2 SAMUELI 9:10 - Biblia Ilagho Jiboie Kwa Wandu Wose

¹⁰ Na oho, chiaimweri na wana wako, na wadumiki wako, mchakaia mkiilima iyo ndoe kwa wundu ghwake, na kureda mavalo gharo; eri mwana wa bwana wako usesowe kindo cheja. Ela Mefiboshethi moni, uo mwana wa bwana wako, uchakaia ukija mezenyi kwapo matuku ghose.” Siba orekoghe na wana wa womi ikumi na wasanu, na wadumiki mirongo iwi.

2 SAMUELI 9:10 Σταυροειδείς Αναφορές

2 SAMUELI 16:3

Nao mzuri ukamkotia, “Mefiboshethi uja wawae bwana wako Sauli oko hao?” Siba ukatumbulia, “Nechi waasigharika Jerusalemu ukighamba, ‘Idime wandu wa Israeli wichaniwunjira wuzuri ghwa aba.’”

2 SAMUELI 19:18

Wikaruwuka modenyi wipate kumruwusa mzuri na nyumba yake yose; wikakaia tayari kubonya agho ghose mzuri ughikundagha. Nao iji mzuri orekoghe ukizoya kuruwuka, Shimei mwana wa Gera ukaghwa maghunyi kwa mzuri

2 SAMUELI 19:28

Angu wandu wose wa nyumba ya aba, weeka sa wandu witanyiro kufwa imbiri ya bwana wapo mzuri; ela sena korenibonyereghe ini mdumiki wako nijeghe mezenyi kwa bwana wapo mzuri. Da ni hachiki niko nayo inibonyagha niwuemlilia mzuri.”

2 SAMUELI 21:7

Ela mzuri ukamkira Mefiboshethi mwana wa Jonathani, nao ni wawae Sauli; kwa kukaia orebonyereghe ighemi na Jonathani mwana wa Sauli imbiri ya BWANA.

2 SAMUELI 9:7

Daudi ukamzera, “Kusakeobua, kwa kukaia nichakubonyera mecha kwa wundu ghwa ndeyo Jonathani; sena ndoe rose ra wawayo Sauli nichakuwunjira, na oho kuchakaia kukija mezenyi kwapo matuku ghose.”

1 WAZURI 2:7

Ela wana wa Bazilai Mgileadi, kuwibonyere nicha, sena wikaie wamu wa awo wandu wijanyagha na oho mezenyi kwako; kwa kukaia werenibonyereghe nicha ingelo nerewuyagha kufuma kumkimbia mwanyinyu Absalomu.

2 WAZURI 25:29

Jehoiakini ukafunya nguwo rake ra kifungonyi, ukakaia ukija mezenyi kwa mzuri matuku ghose gha irangi jake;

JEREMIA 52:34

ukakaia ukilipwa nicha ni mzuri kunughana na haja rake ra kula ituku, hata ituku ja kufwa kwake.

LUKA 14:15

Nao iji umu wa waja wereserieghe kidombo wasikira agho ukamzera, “Warasimilwa uo uchaaja mkate kwa Wuzuri ghwa Mlungu.”