2 SAMUELI 8:3 - Biblia Ilagho Jiboie Kwa Wandu Wose

³ Wokoni Daudi ukamsima Hadadezeri mwana wa Rehobu, mzuri wa Soba iji uo Ha-dadezeri oreghendagha kumunganya wuzuri ghwake aho modenyi ghwa Eufrate.

2 SAMUELI 8:3 Σταυροειδείς Αναφορές

KUZOYA 15:18

Ituku ijo BWANA ukabonya ilaghano na Abramu ukighamba, “Kivalwa chako nachineka isanga iji, kufuma Moda ghwa Misri hata moda ghuja m'baa ghwa Eufrate,

2 SAMUELI 10:15

Wasiria wiendawona kukaia wasimwa ni Waisraeli, wikakukwanya chiaimweri.

2 SAMUELI 10:16

Na Hadadezeri ukaduma Wasiria awo wikaiagha kimonu cha Moda ghwa Eufrate wiche; wikacha Helamu chiaimweri na Shobaki m'baa wa majeshi gha Hadadezeri wa Soba ukiwilongoza.

2 SAMUELI 10:19

Niko aho awo wazuri werekukwanyireghe na Hadadezeri iji wawona kukaia wameria kusimwa ni Waisraeli, wikalomba sere kwa Waisraeli, na kukuwika aisi yawo. Kwa huwo Wasiria wikaobua, hata ndewichewitesia Waamoni sena.

2 SAMUELI 10:6

Nao iji Waamoni wawona kukaia wamvavira Daudi, wikakodesha Wasiria wa Beth-rehobu, na Wasiria wa Soba, masikari gheghenda na maghu elfu mirongo iwi, na mzuri wa Maaka ukacha na masikari elfu imweri, na wandu wa Tobu elfu ikumi na iwi.

2 SAMUELI 23:36

Igali mwana wa Nathani ufumie Soba, Bani, Mgadi;

1 WAZURI 4:21

Solomoni ukabonya nguma aighu ya mawuzuri ghose; kufuma Moda ghwa Eufrate hata isanga ja Wafilisti na mpakenyi ghwa Misri. Wandu wikamredia kodi na kumdumikia irangi jake jose.

1 MALAGHO GHA NGELO 18:3

Daudi ukalwa na Mzuri Hadadezeri, wa isanga ja Siria ja Soba, ukamsima kaavui na Hamathi ngelo oreghendagha kuwonyera nguma rake kaavui na Moda ghwa Eufrate.

2 MALAGHO GHA NGELO 8:3

Solomoni ukaghenda isanga ja Hamathi-zoba na kujiwada.

ZABURI 60:1

Ee Mlungu, oho kwadileghie, kukasigha ngome redu richikanyo; kwazamilo, dakulomba kudiwurie.

ZABURI 72:8

Kumneke kubonya nguma kufuma bahari hata bahari, na kufuma Moda ghwa Eufrate hata kutua kwa ndoenyi.

KUFUMA 23:31

Nichawika mano ya isanga jenyu, kufuma Bahari ya Shamu hata Moda ghwa Eufrate; sena kufuma Bahari ya Mediterania hata kireti. Nichamneka ndighi aighu ya waja waisanga, nenyo mchawifunya seji mchaadima.

WUKUMBUSO 11:24

Kula andu mchaawadia na chwau renyu kuchawuya konyu; isanga jenyu jichakaia kufuma icho kireti cha kusinyi, hata Lebanoni, na kufuma ugho moda ghwa Eufrate, hata bahari ya Mediterania.

1 SAMUELI 14:47

Sauli uendawada wuzuri aighu ya Israeli, ukalwa na wamaiza wake kula andu; ukalwa na Wamoabu, na Waamoni, na Waedomu, na wazuri wa Soba, na Wafilisti; andu kose orelueghe nawo ukakaia ukiwisima.