2 SAMUELI 6:5 - Biblia Ilagho Jiboie Kwa Wandu Wose

⁵ Daudi chiaimweri na wandu wa Israeli wikakaia wikivina na kubora kwa ndighi rawo rose, wipate kumneka BWANA wubaa kwa vinubi vinyanda, matari, kayamba na matoazi.

2 SAMUELI 6:5 Σταυροειδείς Αναφορές

2 WAZURI 3:15

Ela idana niredie mkabi kinubi.” Nao iji m'bori wazoya kukaba kinubi chake, ndighi ra BWANA rikamchea Elisha,

1 MALAGHO GHA NGELO 13:8

Daudi na Waisraeli wose werekoghe wikizuma imbiri ya Mlungu kwa ndighi rawo rose; wikibora na kukaba zeze na vinubi na mayanga, na banjo na tarumbeta.

1 MALAGHO GHA NGELO 15:28

Na huwo Waisraeli wikaireda Sanduku ya BWANA na ngemi iendanyagha na lwaka lwa mbembe, tarumbeta na banjo, nawo wikakaba muziki m'baa ghwa vinubi na zeze.

2 MALAGHO GHA NGELO 20:28

Wikavika Jerusalemu, wikangia Hekalunyi wikikaba vinubi, zeze na tarumbeta.

ZABURI 47:5

Mlungu wajokie ukizumilwa na kuboilwa, BWANA wajokie ukiborelwa kwa lwaka lwa tarumbeta.

DANIELI 3:10

Oho kwabonyere itangazo ee mzuri, kukaia, kula mundu ukasikira lwaka lwa tarumbeta, na misherembe, na zeze, na ngoma, na kayamba, na firimbi, na kula kilambo chebora, ugho na kuitasa iyo fwana ya dhahabu.

DANIELI 3:15

Idana iji mwasikira lwaka lwa tarumbeta, na misherembe, na zeze, na ngoma, na kayamba, na firimbi, na kula kilambo chebora, mugho kiwushu-wushu na kuitasa ija fwana ya dhahabu niibonyere. Kamanya muko tayari kubonya huwo, ichakaia nicha; ela mkalegha, mchakumbwa shwa-shwa andenyi ya iwiwi ja modo. Na oko hao mlungu udimagha kumkira na mkonu ghwapo?”

DANIELI 3:5

iji mwasikira chwaka ra tarumbeta, na misherembe, na zeze, na ngoma, na kayamba, na firimbi, na kula chombo chebora, kula mundu ugho na kuitasa iyo fwana ya dhahabu iwikilo ni mzuri Nebukadnezari.

DANIELI 3:7

Nao iji wandu wose wasikira lwaka lwa tarumbeta, na misherembe, na zeze, na ngoma, na kayamba, na firimbi, na kula chombo chebora, wandu wose, wa mbari na viteto wikaghwa na kuitasa ija fwana ya dhahabu erewikiloghe ni mzuri Nebukadnezari.

AMOSI 5:23

Sighenyi kunibara madu na chumbo renyu, sikunde kusikiria chwaka ra vinubi venyu.

AMOSI 6:5

inyo m'boragha chumbo mkitumia vinubi, na kukubonyera vombo vebora sa Daudi.

1 SAMUELI 10:5

Konyuma kuchacha na kuvika Gibeathelohimu, andu kuko na ngome ya masikari gha Wafilisti; hata iji kwakangia mzinyi kuchakwana na walodi wamu wafuma mghondinyi andu kotasira wikikaba kinubi, na kayamba, na msherembe na zeze, wikifunya wulodi.

1 SAMUELI 16:16

Idana dakunda bwana odu kudidume isi wadumiki wako diko imbiri kwako, dipate kumlola mundu uichi kukaba kinubi; hata iji roho iyo idumilo ni Mlungu yakakuchea, uo mundu uchakaia ukikaba kinubi, na oho kuchasikira nicha.”