2 SAMUELI 16:5 - Biblia Ilagho Jiboie Kwa Wandu Wose
5 Hata iji Mzuri Daudi wavika Bahurimu, mndumu wa kivalwa cha Sauli ukacha, na irina jake orewangwagha Shimei mwana wa Gera. Ukacha ukiewia Daudi kwa milungu yake.
Mzuri ukamzera Siba, “Ola iro rose rerekoghe ra Mefiboshethi richawuya rako.” Siba ukaghamba, “Nawusa kwa chawucha; elaima nirumirie nikudumikieghe bwana wapo mzuri kwa kala na kala.”
Ela mdawana umu orewiwonieghe, ukaghenda na kumghoria Absalomu; kwa huwo waja wandu wose wawi wikaghenda na iseghe na kungia nyumbenyi ya mndumu orekoghe na kisima awazenyi aho Bahurimu; wikachingia icho kisima andenyi.
Kusemsholie mzuri hata kwa maririkanyo ghako, hata kusemmenye mzuri wa mali kukikaia chumbenyi kwako; nyonyi yadima kudwa malagho ghako, iendewighoria.
Wandu wichamara-mara isangenyi wiko na wasi na njala, nawo wichachulwa ni machu kwa wundu ghwa njala hata widime wamsholia mzuri na Mlungu wawo, wikighaluka na kuzighana nokoighu.