2 SAMUELI 16:1 - Biblia Ilagho Jiboie Kwa Wandu Wose

¹ Daudi uendaida koighu mghondinyi na kughenda imbiri katini, ukakwana na uja mdumiki wa Mefiboshethi uwangwagha Siba chiaimweri na weke punda wawi waalwa na kudukushirwa mikate maghana awi, vanga ighana jimweri va zabibu, matunda ighana jimweri na kiriba cha mrongo cha divei.

2 SAMUELI 16:1 Σταυροειδείς Αναφορές

2 SAMUELI 15:30

Ela Daudi ukajoka cha mghondinyi ghwa Mizeituni ukaghenda na maghu maduu ukilila, na chongo chake wachifinikira. Na wandu wose werekwanyeghe wikafinikira vongo vawo, wikajoka wikilila.

2 SAMUELI 15:32

Nao iji Daudi wavika koighu mghondinyi andu Mlungu oretaswagha, ukammbona Hushai, Muariki wacha kukwana nao; nguwo rake rarashuka sena wakudunga ndoe chongonyi kwake.

2 SAMUELI 19:17

Ukachanya na wandu elfu ikumi wa kichuku cha Benjamini, na Siba uja mdumiki wa nyumba ya Sauli, chiaimweri na wana wake ikumi na wasanu, na wadumiki wake mirongo iwi; wose wikashashira kusea cha Jordani wikavika imbiri mzuri usechee.

2 SAMUELI 19:32

Barzilai orekoghe mghosi nandighi wa miaka mirongo wunyanya; nao orekoghe wamneka mzuri vindo iji orekoghe aja Mahanaimu; angu orekoghe mzuri m'baa wa mali.

1 MALAGHO GHA NGELO 12:40

Wokoni wambao wa kula kufuma Isakari, Zebluni na Naftali, wereredieghe vindo waduka na weke punda, ngamila, nyumbu na ng'ombe, vindo vingi nandighi; mikate ya tini, ngada ra zabibu riomeshero, divei na mavuda, ng'ombe na ng'ondi; angu Israeli yose erekoghe na kuboilwa.

MAKATANISHO 18:16

Inosi ja mundu jadam'bonyera chia emreda imbiri ya wabaa.

JEREMIA 40:10

Ini nichakaia Mispa kwa wundu ghonyu imbiri ya Wababuloni wichaadichea. Ela inyo tumbanyenyi divei na matunda gha sumesu na mavuda, muviwike vombonyi konyu, mkaie mizinyi konyu iyo mwaiwusa.”

JEREMIA 40:12

wikawuya wose kufuma masanga werekoghe wawingwa, wikacha isanga ja Juda kwa Gedalia aja Mispa, wikatumbanya divei na matunda gha sumesu kwa wungi.

AMOSI 8:1

Bwana MLUNGU ukaniwonyera mawono ghamu: ngawona andenyi yaro kikapu cha matunda ghiwurue.

MIKA 7:1

Ni duu tu; ini neeka sa mundu uko njala; usewonagha itunda jingi jasigharika mudinyi, angu zabibu ingi yasigharika mzabibunyi. Zabibu rose na tini risingie rawalwa putu.

1 SAMUELI 10:3

Aho kuchaghenda imbiri kufuma aja, na kughuvikia mwaloni ghueleshero ghwa Tabori, na aho kuchakwana na wandu wadadu wawuyaendafunya kizongona kwa Mlungu aja Betheli; umu udwae ndaghina idadu, na umu udwae mikate idadu, na umu udwae kiriba cha divei.

1 SAMUELI 16:20

Nao Jese ukawada punda, ukamdukishira mkate, kiriba cha mrongo cha divei, na ndaghina; ukamduma mwana wake Daudi navo kwa Sauli.

1 SAMUELI 25:18

Niko Abigaili ukabonya shwa-shwa, ukawada mikate maghana awi na viriba va mrongo va divei viwi, na ng'ondi isanu riochelo, na kilo ikumi na mfungade ra viro viochelo, na vanga ighana jimweri va zabibu riomie, na keki maghana awi ra tini; ukavidukishira weke punda.