2 SAMUELI 10:14 - Biblia Ilagho Jiboie Kwa Wandu Wose

¹⁴ Waamoni wiendawona kukaia Wasiria wakimbia, nawo weni wikamkimbia Abishai na kungia cha mzinyi kwawo. Niko Joabu ukasigha kulwa na Waamoni, ukawuya cha Jerusalemu.

2 SAMUELI 10:14 Σταυροειδείς Αναφορές

2 SAMUELI 10:15

Wasiria wiendawona kukaia wasimwa ni Waisraeli, wikakukwanya chiaimweri.

2 SAMUELI 11:1

Nao iji kimu chavika, ingelo wazuri wighendagha wudenyi, Daudi ukamduma Joabu na wabaa, na majeshi gha Waisraeli wose. Wikawikaba Waamoni na kughumara muzi ghwa Raba. Ela Daudi ukasigharika Jerusalemu.

2 SAMUELI 20:6

Daudi ukamzera Abishai, “Kumanye Sheba mwana wa Bikri uchadiredia wasi kuchumba Absalomu. Idana wada wandu wapo kumnughe, usechengia andenyi ya ngome rimu ra muzi na kudilaghaya.”

2 SAMUELI 22:38

Nerewinughieghe wamaiza wapo na kuwitotesha, nani serewurieghe nyuma hata ngawimeria.

2 SAMUELI 23:18

Abishai mruna Joabu mwana wa Seruia, orekoghe m'baa wa vilongozi mirongo idadu. Ukawusa ifumu jake na kuwibwagha wandu maghana adadu; ukakupatira irina aghadi ya awo mirongo idadu.

2 SAMUELI 8:12

Mbari iro ni Edomu, Moabu, Amoni, Wafilisti, Waamaleki, na wokoni ivo verewadiloghe kufuma kwa Hadadezeri mwana wa Rehobu, mzuri wa Soba.

1 MALAGHO GHA NGELO 18:12

Abishai mwana wa Seruia, ukawibwagha Waedomu wandu elfu ikumi na wunyanya Vololo ya Chumbi.