1 SAMUELI 5:4 - Biblia Ilagho Jiboie Kwa Wandu Wose

⁴ Ela ituku jinughie iji werewukieghe nakesho, wikammbona Dagoni ughue kiwushu-wushu andonyi imbiri ya Sanduku ya BWANA; chongo chake na mikonu yake vimerie kukenyuka aho kizingitinyi cha mnyango; na kilughadi chake chasigharika chiekeri.

1 SAMUELI 5:4 Σταυροειδείς Αναφορές

ISAYA 27:9

Kwa huwo, kaung'a ya wandu wa Israeli ichainjwa kwa chia iyo, na agha ghichakaia ni matunda gha kuinjirwa kaung'a yake iji magho gha milungu ya kighenyi ghainjwa na kusheghwa sa chokaa, na iji madhabahu ra mlungu ghwa waka Ashera, na iro refukira marumba rameria kuinjwa.

ISAYA 40:20

Mundu mkiwa usedimagha kuchana mlimu ghwa feza angu dhahabu, wadakulolia mudi ghusewoagha; nao wadalola fundi um'boisire mlimu ghusedimagha kughenda.

JEREMIA 10:11

Muwighorie wandu huwu: “Iyo milungu iseumbie mlungunyi na ndoenyi, ichatota ndoenyi na aisi ya mlungunyi.”

JEREMIA 10:14

Kula mundu uawoneka usewadie akili hata kumanya kungi, kula mchani dhahabu wafwa waya kwa wundu ghwa iyo milimu yake. Fwana rake ni rekalia, nderiwadie miruke andenyi yaro anduangi.

JEREMIA 10:15

Nderiwadie fwaida ingi, ni kazi ra tee; ngelo yawo etanywa, richatoteshwa.

JEREMIA 50:2

“Ghoria iro mbari kughambe, wusira kiweto kughore, hata kusesighe ilagho jingi: ‘Babuloni wameria kuwadwa Mlimu Beli ghwamerie kufushwa waya. Ugho mlungu Merodaki ghwakambwa ni chongo. Milimu yake yameria kufushwa waya, fwana rake rakambwa ni chongo.’

DANIELI 11:8

Wokoni uchaduka milungu yawo cha Misri, chiaimweri na milimu ya fwana rechana, na vilambo vawo va zoghori mbaa va feza na dhahabu; na kwa miaka imu uchasigha kumkaba mzuri wa Siria.

MIKA 1:7

Milimu yake ya zoghori ichabarwa-barwa; kula kilambo cherenekeloghe malaya gha hekalunyi chichakorwa, na fwana raro rose richawuya kitungu cha tungasi. Samaria yakuzaisire agho malagho, kwa wundu ghwa iyo mizango yake mingi. Idana wamaiza wake wichaiduka, wiendebonya wumalaya ghwa hekalunyi andu kuzima.”

1 SAMUELI 6:5

Kwa huwo ni suti m'bonye fwana ra mbama renyu na fwana ra mbewa renyu iro rawuyanona isanga, nao mumneke Mlungu wa Israeli wubaa, aho kewada wadima kuleka kumkaba inyo, na milungu yenyu, na isanga jenyu.