1 SAMUELI 30:2 - Biblia Ilagho Jiboie Kwa Wandu Wose

² Wikadwa wunyika waka werekoghe aho, chiaimweri na wose werekwanyeghe wabaa na watini; ndewerebwaghieghe mndungi, ela wedewidwa, na kughenda chia rawo.

1 SAMUELI 30:2 Σταυροειδείς Αναφορές

AYUBU 38:11

Nereizerieghe, ‘Kootuya aeni aha, kusechumbe; mivo-mivo yako iwadie ndighi, suti ituye aho.’

ZABURI 76:10

Loli wandu wibirie nandighi wichakukasa, na awo wifufunukagha machu ghako wichakukwanyikia.

1 SAMUELI 27:11

Daudi orekoghe ukibwagha wandu wose, ikaiagha wa womi angu wa waka; mndungi usechepatika oghenja malagho Gathi, ukiririkanya wei uo mundu wadima kwendaghora malagho ghawo ukighamba, “Huwu niko Daudi wawuyabonya.” Huwo niko Daudi uduebonya matuku ghose ukaie andenyi ya isanga ja Wafilisti.

1 SAMUELI 30:19

Ndekuwadie kilambo chingi cherelagharieghe, chikaiagha kitini angu kibaa; ikaiagha wana wa womi angu wana wa waka; vilambo veredwaloghe wunyika angu icho chose cheredukiloghe. Daudi ukaviwunja vose.

1 SAMUELI 30:3

Daudi na wandu wake wiendavika, wikakua muzi ghwakorwa, na waka wawo, na wana wawo wa womi na wa waka wameria kuwadwa na kudwalwa wunyika.