1 SAMUELI 13:13 - Biblia Ilagho Jiboie Kwa Wandu Wose

¹³ Nao Samueli ukamzera Sauli, “Kwabonya wukelu kwa kuleghawadia momu ghwa BWANA Mlungu wako seji orekulaghirieghe; huwu kumangu BWANA wamangisha wuzuri ghwako aighu ya Israeli kwa kala na kala.

1 SAMUELI 13:13 Σταυροειδείς Αναφορές

KUZOYA 31:28

Kwaki kuseninekie hata wulalo gholaghana na kuwisusugha wai wapo na weke wawa? Kwabonyere ilagho ja wukelu na ndighi.

2 SAMUELI 24:10

Ela Daudi ukatanywa ngolonyi kwake nyuma ya kuwitala wandu. Daudi ukamzera BWANA, “Nabonya kaung'a nandighi kwa wundu ghwa agha nabonya; ela idana ee BWANA, nakulomba kuinje nambai wuwiwi ghwapo ini mdumiki wako, angu nabonya wukelu nandighi.”

1 WAZURI 18:18

Elija ukatumbulia, “Si ini ungi nawuyasumbua Israeli, ela ni oho na nyumba ya ndeyo mwawuyasumbua Israeli kwa kuisigha memu ya BWANA na kutasa mlimu ghwa Baali.

1 WAZURI 21:20

Ahabu uendammbona Elija ukamzera, “Kwaniwada nga m'maiza wapo?” Elija ukatumbulia, “Ee, nakuwada; oho kwamerie kukufunya kubonya mawiwi imbiri ya BWANA.

1 MALAGHO GHA NGELO 10:13

Sauli oofwa kwa kulegha kukaia mloli kwa BWANA; ukalegha kughiwadia malaghiro gha BWANA, ukaghenda kulola wulongozi kwa maroho,

2 MALAGHO GHA NGELO 16:9

BWANA wadazighana iichia na iichia ndoenyi kose, upate kuwonyera ndighi rake kwa awo wandu wisewadie ikosa jingi kwake. Kwabonya wukelu; kwa huwo kufuma idana ndekuchaatana na wuda.”

2 MALAGHO GHA NGELO 19:2

Ela Jehu mwana wa Hanani uo mmboni, ukafuma kummara ukamzera mzuri Jehoshafati, “Wele ni hachi oho kuwitesia wandu wawiwi na kuwikunda awo wizamilwagha ni BWANA? Kwa wundu ughu, BWANA wakubonyera machu.

AYUBU 34:18

Mlungu nuo umzeragha mzuri, ‘Ndekufwanagha’, na mundu wa ishima, ‘Ko mundu mmbiwi.’

MAKATANISHO 12:8

Mundu uko na hikima wadakaswa, ela mkelu wadamenywa.

MAKATANISHO 19:3

Iji wukelu ghwa mundu ghwammnonia mipango yake, wadam'bonyera BWANA machu.

ISAYA 39:5

Nao Isaya ukamzera Hezekia, “Sikira seji BWANA wa majeshi waghora:

JEREMIA 18:10

nao ibonye wuwiwi mesonyi kwapo, na kuleghasikira, nichaghaluka nisighe kuibonyera agho mecha nikoghe niibonyere.

1 SAMUELI 1:22

Ela Hana nderejokieghe, angu oremzerieghe mumi wake, “Ngameria kumfunya umwana mariwa, niko nichaamghenja na kummbika imbiri ya BWANA, upate kukaia aho toe.”

1 SAMUELI 13:12

ngaghamba, ‘Idana Wafilisti wichanichea wisee hata Gilgali nisebonyere njama na BWANA.’ Niko nawona nikufungishe ndighi nimoni, nifunye kizongona chekora.”

1 SAMUELI 15:11

“Nasirimika kukaia nam'bonyere Sauli ukaie mzuri; kwa kukaia wameria kuwuya nyuma na kunisigha, hata ndenughie malaghiro ghapo anduangi.” Samueli ukawawa nandighi, ukamlilia BWANA kio chee.

1 SAMUELI 15:22

Nao Samueli ukaghamba, “Kwani BWANA wadaboilwa ni mafunyo na vizongona vekora kuchumba seji uboilwagha ni kusikirwa? Ola kumsikira BWANA kwaboie kuchumba kizongona, na kusikira kwaboie kuchumba mavuda gha bauru.

1 SAMUELI 15:28

Samueli ukamzera Sauli “BWANA waghurashua wuzuri ghwa Israeli kufuma kwako idime, na kughuneka mmbenyu uko mucha kukuchumba.

1 SAMUELI 16:1

BWANA ukamzera Samueli, “Kumsirimikia Sauli hata lii, na oho kwawonie kukaia ini namerie kumlegha usekaie mzuri aighu ya Israeli? Idana chura lwembe lwako mavuda, kughende Bethlehemu mzinyi kwa mundu uwangwaghwa Jese; kwa kukaia namerie kumsaghua umu wa wana wake ukaie mzuri.”

1 SAMUELI 26:21

Niko Sauli ukaghamba, “Nakosa; wuya mwanwapo Daudi, angu sichaakubonya ilagho iwiwi sena, kwa kukaia irangi japo jekoghe ja zoghori kwako idime. Ola nabonya wukelu, nakosa nandighi.”