1 SAMUELI 11:13 - Biblia Ilagho Jiboie Kwa Wandu Wose

¹³ Ela Sauli ukaghamba, “Ii hata, mndungi ndebwaghwaa idime, kwa kukaia ituku iji BWANA wawiredia Israeli kukia.”

1 SAMUELI 11:13 Σταυροειδείς Αναφορές

2 SAMUELI 19:22

Ela Daudi ukaghamba, “Neko na ilaghoki nenyo inyo wana wa Seruia? Idime mwawuya wamaiza wapo! Mndungi wadima kubwagha andenyi ya Israeli idime? Ini namanya kukaia ne mzuri wa Israeli.”

2 SAMUELI 19:23

Mzuri ukamzera Shimei, “Ndekufwagha kungi.” Mzuri ukam'bonyera ighemi.

2 SAMUELI 23:10

Orewukieghe na kuwikaba Wafilisti hata mkonu ghwake ghukasilwa, ukamaziria lufu lwake, na BWANA ukabonya wusimi m'baa ituku ijo; wandu weechawuya tu kurua wafu maswagha.

KUFUMA 14:13

Musa ukawizera awo wandu, “Msakeobua, mangenyi mmbone kukia kwa BWANA ucham'bonyera idime; kwa kukaia awa Wamisri muwiwonagha idime, ndemuchaawiwona sena anduangi.

KUFUMA 14:30

Huwo niko, BWANA orewikirieghe Waisraeli ituku jija kufuma kwa Wamisri, nawo wikawona gharia ra Wamisri pwani.

ISAYA 59:16

Orezighanireghe ukashinika kuwona angu ndekorekoghe na mndungi odima kukotia maza iri; niko ukaghorua mkonu ghwake ghoni kureda wusimi, na kuwikira wandu wake kwa hachi yake.

1 WAKORINTHO 15:10

Ela kwa mvono ghwa Mlungu, nakaia sa iji niko; na ugho mvono ghwake kwapo, ndeghorekoghe ghwa duu anduangi. Wulalo ghwaro, nabonyere kazi mbaa kuchumba wadumi wose; ima sena si ini ungi, ela ni mvono ghwa Mlungu ghuko andwamweri nani.

1 SAMUELI 10:27

Ela wandu wamu wa kisha-kisha wikaghamba, “Umundu udima wada kudikira?” Wikammenya hata ndeweremnekieghe zawadi ringi. Ela Sauli uo ukakaia na sere.

1 SAMUELI 14:45

Niko wandu wikamzera Sauli, “Ado Jonathani uabwaghwa umoni wawiredia Israeli wusimi m'baa? Agho ghikaie kula putu! Sa iji BWANA ukaiagha moyo, ndekuwadie hata luwiriro lwa iridia jake luchaakulwa na kupotolwa andonyi, kwa kukaia Jonathani waateselwa ni Mlungu idime.” Nao wandu wikamvuvua Jonathani usebwagho.

1 SAMUELI 19:5

kwa kukaia orewikieghe irangi jake ndengonyi, ukam'bwagha uja Mfilisti Goliathi; na BWANA ukareda wusimi m'baa kwa Waisraeli wose. Oho kumoni kwawonie kukaboilwa; kwaki sena kukunde kubonya kaung'a edia bagha isewadie ikosa jingi, kwa kum'bwagha Daudi duu?”