1 SAMUELI 10:16 - Biblia Ilagho Jiboie Kwa Wandu Wose

¹⁶ Sauli ukamzera awuye, “Oredighorieghe worinyi kukaia weke punda wawonekie.” Ela ukamvisa agho malagho gha wuzuri oreghoreloghe ni Samueli.

1 SAMUELI 10:16 Σταυροειδείς Αναφορές

KUFUMA 4:18

Nao Musa ukawuya kwa mghosi wake Jethro ukamzera, “Nakulomba kunisighe niwuye kwa wandu wapo wiko Misri, niwizighane ngera waduagha moyo.” Jethro ukamzera Musa, “Ghenda na sere.”

MAKATANISHO 12:23

Mundu uko na suku ndekuwonyeragha moni, ela wakelu wadaeresha wukelu ghwawo.

MAKATANISHO 29:11

Mkelu wadawonyera machu ghake worinyi; ela mundu wa hikima wadakuvisa.

MCHILI 3:7

ngelo erashua na ngelo edunga; ngelo ekaia kima na ngelo ededa;

WATANYI 14:6

na Roho wa BWANA ukamchea aighu kwake kwa ndighi, ukairashua ija shimba kwa mikonu yake seji mundu urashuagha ndaghina, nao nderewawadieghe kilambo chingi mkonunyi kwake. Ela nderewighorieghe wavi wake agho oreghibonyereghe.

WATANYI 14:9

Ukangira mkonu na kufunya wuki, nao ukaghenda ukighuja chienyi; ukacha kwa ndee na mae, ukawineka wuki ghumu, nawo wikaja. Ela nderewighorieghe wei waafunya ghuja wuki gharienyi ya shimba.

1 SAMUELI 10:15

Awuye wake ukaghamba, “Tafadhali nighorie seji Samueli ukuzerie.”

1 SAMUELI 9:20

Na malagho gha weke punda wako wilagharie matuku adadu ghisirie ghisesindekusumbua, kwa kukaia wamerie kuwoneka. Na nani uwikilo uikatishe bea ya Israeli, iseeka ni oho na nyumba ya ndeyo?”

1 SAMUELI 9:27

Hata iji werekoghe wikighenda, na kuvika kutua kwa muzi, Samueli ukamzera Sauli, “Mzere mdumiki wako ukirie.” Nao uja mdumiki ukaida ukakiria. Niko Samueli ukaghamba, “Dunga maghu kutini nikughorie ilagho ja Mlungu.”