1 SAMUELI 10:10 - Biblia Ilagho Jiboie Kwa Wandu Wose

¹⁰ Wiendavika Gibea, wikakwana na walodi wamu, na Roho wa Mlungu ukamchea aighu kwake kwa ndighi mbaa, nao ukafunya wulodi aghadi kwawo.

1 SAMUELI 10:10 Σταυροειδείς Αναφορές

WATANYI 15:14

Nao iji wavika Lehi, Wafilisti wikamkimbiria wikikema; Roho wa Bwana ukamchea aighu yake kwa ndighi mbaa na rija kamba rerekoghe mikonunyi kwake, rikawuya sa uzi wa kitani wahia, rikapotoka kufuma mikonunyi kwake.

WATANYI 3:10

Roho wa BWANA ukamchea aighu yake, nao ukawuya mtanyi wa Waisraeli; ukaghenda wudenyi, na BWANA ukamneka wusimi aighu ya mzuri wa Mesopotamia.

1 SAMUELI 11:6

Nao iji Sauli wasikira maza iro, Roho wa Mlungu ukamchea aighu kwake kwa ndighi mbaa, ukajokwa ni machu mabaa.

1 SAMUELI 16:13

Nao Samueli ukawada lwembe lwa mavuda, ukamshinga Daudi mavuda uko aghadi ya waruna; na Roho wa BWANA ukamchea Daudi kwa ndighi kufuma ituku ijo. Niko Samueli ukawuka na kuwuya cha Rama.

1 SAMUELI 2:35

Nani nichawika mkohani mzima uchaakaia mloli kwapo, nao moni uchabonya agho nighikundagha. Nichamneka kinyumba chimange chichaadumika imbiri ya msaghulwa wapo matuku ghose.