1 SAMUELI 1:22 - Biblia Ilagho Jiboie Kwa Wandu Wose

²² Ela Hana nderejokieghe, angu oremzerieghe mumi wake, “Ngameria kumfunya umwana mariwa, niko nichaamghenja na kummbika imbiri ya BWANA, upate kukaia aho toe.”

1 SAMUELI 1:22 Σταυροειδείς Αναφορές

ZABURI 110:4

BWANA waghemie, nao ndechaaghaluka: “Oho ko mkohani kwa kala na kala kwa kunughishira wukohani ghwa Melkizedeki.”

ZABURI 23:6

Loli wucha na wughoma, ghuchaduanya nani matuku ghose gha irangi japo; nani nichakaia nyumbenyi kwa BWANA matuku ghose.

ZABURI 27:4

Nalombie ilagho jimweri tu kwa BWANA, najo nijo jeni nijilolagha; ja ini kukaia nyumbenyi kwa BWANA matuku ghose gha irangi japo; niwoneghe kughoka kwa BWANA, na kulola wulongozi ghwake andenyi ya Hekalu yake.

KUFUMA 21:6

niko BWANA wake uchamghenja kwa Mlungu, mnyangonyi ghwa nyumba etasira, nao uchamturua kudu kwake na uma; nao uchamdumikia irangi jake jose.

ISAYA 9:7

Kubonya nguma kwake kwa sere ndekuchaakaia na kutua kungi; Uchaseria kifumbi cha nguma cha ndee Daudi, ukighumangisha wuzuri ghwake kwa hachi na loli; kufuma idana hata kwa kala na kala. BWANA wa majeshi nuo uchaabonya agha.

WALAWI 25:23

“Kuseuze mbuwa yako putu, kwa kukaia si yako ingi ela ni ya Mlungu, na oho ko mghenyi na mundu oida unekelo wulalo ghoitumia.

LUKA 2:22

Nao iji yavika ngelo ya kueleshwa kwawo, karakara na Sharia ya Musa, wikamreda Jerusalemu, kummbika kwa Bwana.

WUKUMBUSO 16:16

“Wandu wenyu wose wa womi wichaghenda kumtasa BWANA Mlungu onyu mando adadu kwa mwaka, andu BWANA uchaakusaghua. Ngelo ya Ndima ya Mikate isewadie Chachu, na ngelo ya Ndima ya Makuwido, na ngelo ya Ndima ya Viwanda. Wiseghende kumtasa BWANA mikonu miduu.

JOSHUA 4:7

Niko mchawighoria angu machi gha moda ghwa Jordani gheredumbukieghe imbiri ya Sanduku ya Ilaghano ja BWANA, iji ereruwukieghe Jordani, na agha magho ghichakaia lukumbuso lwa toe kwa wandu wa Israeli, lwa agho gherebonyekieghe.”

1 SAMUELI 1:11

Ukabonya ighemi ukighamba, “Ee BWANA wa majeshi, ngera loli kwadakumbuka na kughuzighana wasi ghwapo, hata kuseniliwe ini mdumiki wako, nao kunineke mwana wa womi, niko na ini nichamfunya na kukuneka oho BWANA matuku ghose gha irangi jake, nao ndechaarwa na shembe chongonyi kwake anduangi.”

1 SAMUELI 1:28

Kwa huwo na ini namfunya kwa BWANA matuku ghake ghose uchaakaia moyo uchakaia wa BWANA.” Nawo wikamtasa BWANA aho.

1 SAMUELI 13:13

Nao Samueli ukamzera Sauli, “Kwabonya wukelu kwa kuleghawadia momu ghwa BWANA Mlungu wako seji orekulaghirieghe; huwu kumangu BWANA wamangisha wuzuri ghwako aighu ya Israeli kwa kala na kala.

1 SAMUELI 2:11

Niko Elkana ukawuya cha mzinyi kwake Rama, na uja mwana Samueli ukasighwa ukimdumikia BWANA aisi ya mkohani Eli.

1 SAMUELI 2:18

Uja mwana Samueli orerushiroghe naivera ya kitani, ukakaia ukidumika imbiri ya BWANA.

1 SAMUELI 28:2

Daudi ukamzera Akishi, “Ni nicha. Kuchawona sa iji ini mdumiki wako nichaabonya.” Akishi ukamzera Daudi, “Ni nicha, nanimoni nichakubonya kukaie mlindiri wapo wa matuku ghose.”

1 SAMUELI 3:1

Ngelo iro, uo mwana Samueli, orekoghe ukimdumikia BWANA aisi ya Eli. Na ilagho ja Mlungu jerekoghe jahora modo nandighi matuku agho; kwa kukaia ndekorekoghe na mawono ghangi shwa kwa shwa.