Maombolezo 3:22 - BIBLIA Maandiko Matakatifu Kwa Watu Wote 2002

²² Wema wa Yawe haukomi, huruma zake hazina mwisho.

Maombolezo 3:22 Σταυροειδείς Αναφορές

2 Samweli 24:14

Daudi akamujibu Gadi: “Nina mashaka makubwa! Lakini afazali kuazibiwa na Yawe, kuliko kutiwa katika mikono ya watu, maana yeye ana rehema sana.”

Nehemia 9:31

Hata hivyo, kutokana na rehema zako nyingi, haukuwaachilia waangamie kabisa au kuwatupilia, maana wewe ni Mungu mwenye huruma na rehema.

Zaburi 103:10

Yeye hatuazibu kama tunavyostahili; hatulipizi kadiri ya uovu wetu.

Zaburi 106:45

kwa ajili yao alilikumbuka agano lake, akawahurumia kwa wingi wa wema wake.

Zaburi 69:17

Ee Yawe, unijibu, unielekee, kwa uzuri wa wema wako, kwa wingi wa rehema yako.

Zaburi 77:8

“Bwana ametuachilia kabisa? Hatapendezwa tena nasi?

Zaburi 78:38

Lakini Mungu mwenye huruma alisamehe uovu wao, wala hakuwaangamiza. Mara nyingi alizuia hasira yake, wala hakuacha kasirani yake yote iwake.

Zaburi 86:15

Lakini wewe, Bwana, ni Mungu wa rehema na huruma; wewe ni muvumilivu, mwingi wa wema na uaminifu.

Yeremia 3:12

Basi, kwenda umutangazie Israeli maneno haya: Rudi, ewe Israeli usiyekuwa mwaminifu. –Ni ujumbe wa Yawe.– Nami sitakuangalia kwa hasira maana mimi ni mwema. –Ni ujumbe wa Yawe.– Kweli, sitakukasirikia milele.

Yeremia 30:11

Maana mimi niko pamoja nawe, nipate kukuokoa. –Ni ujumbe wa Yawe.– Nitayaangamiza kabisa mataifa yote, ambayo niliyokusambaza kati yao; lakini sitakuangamiza wewe kabisa. Nitakuazibu kadiri unavyostahili wala sitakuachilia uende bila kukuazibu. –Ni ujumbe wa Yawe.

Yeremia 31:20

Efuraimu ni mwana wangu mupendwa; yeye ni mutoto wangu ninayemupenda sana. Ndiyo maana kila mara ninapomutisha, ninaendelea kumukumbuka. Moyo wangu unamwelekea kwa wema; hakika nitamuhurumia. –Ni ujumbe wa Yawe.

Danieli 9:9

Wewe, Bwana Mungu wetu, una huruma na musamaha, ingawa sisi tumekuasi.

Malaki 3:6

Yawe wa majeshi alisema hivi: Mimi Yawe sibadiliki. Ni kwa sababu hii, ee ninyi wazao wa Yakobo, hamujateketezwa.

Luka 1:50

Yeye anawasikilia wale wanaomwogopa huruma kwa vizazi vyote.