17 ဟွင်နယ်လာထီပီးခါးမယ်ခါမာန်ကျန်အွန်လို့ဟက်ဟွင်ခိလနော်တိဆာ။
တစိညင်ဖကျောက်လားတိပါးခွမ်အေ့ဆလာတပိုင်မု့ဆရာ၊နိစ္စထာဝရအားရိုစိးလားလနော်တိနယ်အေးပိုရောခါမာကိုးဟက်တိုင်းဟွင်။
သပေးကွေခါမာဟက်ကွေးဖိုဝတ်ဆာနာသပိုင်ဟက်ကာသပိုင်တိနယ်ပေးရော
ခမ်းခီးအန်းဖကျောက်လားတိခွမ်အလိုထန်ခါတိနန်း၊တပေါ့ခွမ်တွေးတပိုင်ဂျေတူးလားဟက်ဂျေပီးခါးမယ်ခါမာန်ဟက်၊
ခမ်းခီးအန်းအူးရောလနော့်၊တက်ကောအူးဟက်ကောမွန်ကောင်ထောင်း။ဟက်ပီးခိမယ်ခိမာဟက်အန်းအီးပိုကောလားအွန်မွန်းဟာခေး။
ခမ်းခီးအန်းလားတိခွမ်ကျိုင်ဟွင်အူးဆီလားသပေး၊တိုးပေးအွေန့်ဆီရောဟက်ပိုဆွန်းပဲန်းခါမာဟက်၊ပိုခါမာဟက်အမ်းတိမိုင်ကျိုင်းတိဆာ၊
အားလေခါးဆွမ်းခါးပဲန်ပေးအမ်းတိမိုင်ကျိုင်း၊
ပေးကွေခါးမာမန်းဟက်ကာကေလား၊အားကေကွေးခါမာအန်းဆာ၊အားဟာကျန်ဖီးဟက်၊ကျန်မော့ဟက်၊ဝါကျန်ကန့်ဟက်အူးတိမွန်ခမ်ညှက်ညှက်ဆာ၊
ဟောဟက်ဟွင်ကောအူးပိုရောစိရော။ပေါ်လေကာအူးလိလေးပါကာဟက်ကဲ့အူးလားပိုခါသေကောကွေလေဟက်မန်ဆွမ်ပဲန်းပိုင်ကောခါတိုင်။
တိုးပေါ်ဖကျောက်လားတိခွမ်ကျိုင်ဟွင်ဟက်လေကာကေညန်တိုးအူးလားသပေး။အားဟာညက်ဟက်အမ်တိရောဟက်ကျိုင်းပတိအေးကွယ်ဟက်တိုးအေးကောပိုရောပဲန်းပါအေးမွန်ပိုင်ခေ။ကျိုင်းပတ်ခင်အေးဟက်အေးကောပိုအွေန်တိုမွန်နိစ္စတိနယ်ကြန်ကပ်စူတက်တွေးခါဆေ့ခါမာ။
ဟွင်လားလနော့်ဟက်ဖကျောင်းလားထင်မီကွေးကားပိုရောတိုးခါတိ/အားမီကွေးခါမာအန်းဖမ်းတက်အေ့ဟက်တအားကေခွမ်ဆေ့ခွမ်မိုင်အန်း/ရောလာနော့်တိနယ်ပေးပိုအွေန့်တိမွန်ခမ်ဟက်ပတ်စီးပေးကောလားကွေး/ခမ်းခီးအန်းရောခွမ်ကျိုင်အူးဟက်ပိုဟော့အူး။
ခွမ်ထောင်လားညက်တ။မီနယ်အူးအွန်းဖိုးပိုဟက်ယူးမီဟက်မွန်ဆစ်မွန်အန်းကာမိနာလားလနော်။
ယောဟန်ကောလားတိကောအားပေးကွမ်းဖော်အိုင်းဖူးပိုကာလားတဖူးသပေးကွမ်းခါဆွမ်ခါးမန်းကောပိုကာကေလား။
